جهز نفسك، قلمك، خيالك، ويلا بينا.
القصة القصيرة من أهم الأنواع الأدبية اللي بتحمل في سطورها عوالم واسعة وأفكار عميقة، ورغم قصرها، إلا إنها بتفرض تحديات كبيرة على الكاتب عشان يوصل رسالته بطريقة مؤثرة ومقنعة.
مسابقة القصة القصيرة بتتعمل كل سنة من 2019 لكن السنة دي هتكون مختلفة، أنت اللي هتختار الموضوع وهتسيب خيالك يسافر بيك من غير حدود.
لأننا عملنا قسم كامل للقصص القصيرة على أبلكيشن iRead eBooks.. وهيتم نشر كل القصص اللي هتوصل للقائمة الطويلة، كل قصة منفصلة لوحدها (اسم الكاتب – اسم القصة – الغلاف).
ولجنة التحكيم هتختار أفضل 3 قصص يتكرموا في الحفل النهائي وهيحصلوا على جوائز مالية.
ولأول مرة هيتم عمل معالجة للقصة الحاصلة على المركز الأول وتحويلها لفيلم قصير من إنتاج iRead.

لأننا بنكتشف من خلالها كُتاب صاعدين وأقلام مهمة وبنقدمها للقُراء وبتكون دي أول خطواتهم، بداية المسابقة كانت في 2019 وبتتعمل كل سنة
ودي أسماء الكتب اللي أصدرناها لحد دلوقتي
2019 – “غموض في مصر القديمة” -كتاب ورقي
2020 – “ليالي الكورونا” – كتاب ورقي
2021 – “اليوم الأخير” – كتاب ورقي
2022 – كتاب “كانت هتفرق” – كتاب إلكتروني
2023 – كتاب 59 دقيقة – كتاب إلكتروني

حرية اختيار الموضوع والأسلوب والنوع، بشرط أن تكون القصة أصلية ولم تُنشر من قبل.

– التقديم من خلال الموقع الرسمي لـ iRead.
– المسابقة مفتوحة لكل الأعمار والجنسيات.
– الاشتراك بقصة واحدة فقط.
– يجب أن تكون القصة مكتوبة باللغة العربية.
عدد الكلمات:
– يجب أن تتراوح القصة بين 1,500 و3,000 كلمة، بما يتناسب مع المعايير العالمية للقصة القصيرة.
الموضوع والأسلوب:
– حرية اختيار الموضوع والأسلوب والنوع، على أن تكون القصة أصلية ولم تُنشر من قبل.
تنسيق النص:
– يجب أن تكون القصة مكتوبة بصيغة Word.
– يُفضل استخدام خط Simplified Arabic، حجم 12، وتباعد مزدوج بين الأسطر.

بعد ما تخلص كتابة القصة بتاعتك، هفتح صفحة التقديم وترفع ملف القصة بصيغة Word Document وتكتب بياناتك المطلوبة وتعمل “إرسال”.
أنت كده اشتركت 😊

– لو القصة اللي شاركت بيها اتنشرت بأي وسيلة مسموعة أو مطبوعة أو عالسوشيال ميديا.
– لو اشتركت بأكتر من قصة.
– لو خالفت أي حاجة من الشروط والأحكام.

لجنة التحكيم هتختار أفضل 3 قصص يتكرموا في الحفل النهائي ويحصلوا على جوائز مالية.
ولأول مرة هيتم عمل معالجة للقصة الحاصلة على المركز الأول وتحويلها لفيلم قصير من إنتاج iRead.

-يظل حق الملكية الفكرية للمؤلف.
-يحتفظ المنظمون بحق نشر القصص الفائزة في وسائل الإعلام المختلفة وتطبيق iRead مع الحفاظ على حقوق المؤلف.

-يتم تقييم القصص من قبل لجنة تحكيم متخصصة في الأدب العربي والقصة القصيرة.
-تعتمد عملية التقييم على جودة الكتابة، الأصالة، والتأثير العاطفي.

مدة الاشتراك في المسابقة شهر واحد فقط من تاريخ فتح باب المسابقة.