هي مسابقة بتتعمل كل سنة لكتابة القصص القصيرة واكتشاف كُتاب صاعدين، ولجنة التحكيم بتقيم وتختار أفضل 10 قصص وهيتكرموا في حفل توزيع جوائز iRead AWARDS 23.
وزي ما احنا متعودين القصص دي بتتنشر والسنة دي الكتاب هيكون إلكتروني من إنتاج أعمال iRead الأصلية وحصريًا على أبلكيشن iRead eBooks أول أبلكيشن مصري للقراءة الإلكترونية.
لأننا بنكتشف من خلالها كُتاب صاعدين وأقلام مهمة وبنقدمها للقُراء وبتكون دي أول خطواتهم، بداية المسابقة كانت في 2019 وبتتعمل كل سنة من وقتها حتى فيرس كورونا معرفش يمنعنا وعملنا المسابقة في 2020 😊
السنة دي موضوع القصة ليه أبعاد نفسية، وأحداثه بتدور جوة عيادة!
اكتب قصة من 3,000 كلمة عن زيارة مش عادية بيقوم بيها مريض أو مريضة لعيادة دكتور أمراض نفسية وعصبية، الزيارة دي بينتج عنها أحداث غير متوقعة خالص!
ممكن الزيارة دي تكون الأولى أو الأخيرة! وممكن تكون دراما، رعب، فانتازيا، أكشن، جريمة وغموض.. تقدر تتناول الزيارة من الجانب اللي تحبه بشرط الالتزام بالموضوع اللي حدنناه كحدث رئيسي للقصة.
أطلق العنان لخيالك واكتب
بعد ما تخلص كتابة القصة بتاعتك، هفتح صفحة التقديم وترفع ملف القصة بتاعك بصيغة Word Document وتكتب بياناتك المطلوبة وتعمل “إرسال”.
أنت كده اشتركت 😊
لجنة التحكيم هتختار الـ 10 فائزين وهيتم تكريمهم يوم حفلة iRead AWARDS 23 وهيتم نشر قصصهم في كتاب إلكتروني من إنتاج أعمال iRead الأصلية وهيكون حصريًا على أبلكيشن iRead eBooks.
