صدر حديثًا: كتاب جديد عن التغذية السليمة للطفل الرياضي.

صدر جديثًا عن دار تشكيل للنشر والتوزيع كتاب جديد عن التغذية السليمة لطفل الرياضي للدكتورة أمل إسماعيل.

وجاء هذا الخبر في منشور للدكتورة أمل إسماعيل عبر صفحتها الرسمية على مواقع التواصل الاجتماعي فايسبوك تقول فيه:

بداية كتاب سوبر وصفه لتغذية الطفل الرياضي
كان إيميل وصلني من كلية الطب -جامعة ستانفورد- كاليفورنيا وتحديدا من معلمتي الأقرب لقلبي Dr.Maya Adam

وهي أستاذ تغذية الأطفال بكلية الطب -جامعة ستانفورد- كاليفورنيا، رسالة بتشجعني فيها اني انشر العلم اللي اتعلمته وهنا كانت البداية اللي خلتني احس اني بتعلم مش عشان نفسي وأولادي وبس والنهاية ان بعد سنين كتير مجهود خرج كتاب سوبر وصفه للنور وبكل تفاصيله اللي محفور ذكرياتها معايا

مبسوطه جداً إن قبل الكتاب ما يخرج للنور بسنة كاملة وبدأت المجلات والمنصات الإلكترونية والتليفيزيون يتكلم عن الكتاب كأول كتاب من نوعه في الوطن العربي

ده النجاح اللي خلاني انسى تعب ٤ سنين شغل على الكتاب
٤ سنين مجهود ومذاكره وابحاث وسهر أيام وليالي
كل معرض كتاب يعدي اقول ان شاء الله كتابي يخرج للنور المعرض الجاي وفي كل مره كنت بأجل عشان اضيف أكتر وأكتر

دلوقتي أقدر اقولها بكل فخر وسعادة
كتاب سوبر وصفه خرج للنور
__________________
أمهات الرياضيين من سن ٣ : ١٨ سنه
عارفين معاناة التمارين الصبح بدري او بعد المدرسه اللي مفيش قبلها وقت للأكل
كتير كنت بتضطر في الأيام دي اشتري اكل جاهز او حتى اي كيك من السوبر ماركت قبل التمرين وللأسف ده كان بيأثر على اداء بنتي بشكل سلبي
الكابتن اللي دايما بيلوم الأمهات على تغذية أولادهم اللي مأثره على اداءهم وبنتي منهم
دايما كان عندي سؤال ايه ممكن يرفع لياقتها وماتكونوش دايما مرهقه بس مفيش فايدة
كنت شايفه الأكل الصحي غالي ومكلف ووصفاته معقده وبمكونات مش سهل نلاقيها
جربت كتير اشتري اكل صحي بس الميزانيه باظت مني لأن تكلفته بتكون عالية

في كل مره كنت بتعب من مشاوير التمارين كنت بسرح في الأبطال الكبار اللي سبقونا واقول وصلوا ازاي وتعبوا قد ايه وعملو ايه عشان يوصلوا لده

سنين كتير على الحال ده لحد ما وصلت للحل اللي بشاركك به في الكتاب ده.

سؤال سألته لنفسي ليه لما احتجت كتاب لتغذية الأطفال الرياضيين اشتريت من أمريكا مش من مصر؟ ليه مفيش في مصر كتب مماثلة تكون دليل لأمهات الأطفال الرياضيين؟

قررت اني اجمع كل حاجه اتعلمتها ودرستها وطبقتها واقدمها بشكل مبسط جداً في الكتاب ده
عشان يكون دليل لكل أم

دليلك لتغذية بطلك الرياضي ولوصفات صحية مناسبة لكل الأسرة

كتاب لكل أم مهتمة بتغذية أطفالها تغذية صحية سليمة

لكل أم عايزه تبني جسم أولادها بشكل صحي وسليم وتحسن من لياقتهم وأدائهم وتقلل من اجهادهم البدني في التمارين

لكل أم بتدور على وصفات صحية مناسبة ليوم التدريب وايام البطولات
وصفات صحية سهلة ولذيذة ومحسوبة السعرات الحرارية والحقائق الغذائية

الكتاب اللي هيكون دليلك في تغذية بطلك الرياضي

لو كنت ام لرياضي محتاجه تفهمي أساسيات تغذية الطفل الرياضي.
لو حابة تعرفي وصفات سهله وسريعه ولذيذة ليوم التمرين ويومك العادي
لو محتاجه خبرات ابطال رياضيين وصلو للعالمية ورفعوا اسم بلدهم
لو عايزه حلول عملية لمشاكل السمنه والنحافه عند الأطفال
الحل بقدمه ليكي في كتاب سوبر وصفه اللي وصلت له بعد دراسات كتير وخبرات وكورسات مع عمالقة التغذية في مصر وأمريكا في مجال التغذية عامة وتغذية الرياضيين خاصة
سوبر وصفه هيقدملك
شرح مبسط لأساسيات تغذية الطفل الرياضي
وصفات صحية مبتكرة ولذيذة ليوم التمرين ويومك العادي وكل وصفه محسوبة السعرات الحرارية والحقائق الغذائية من جرامات بروتين وكاربوهيدرات ودهون

خبرات أبطال رياضيين وصلوا للعالمية ورفعوا اسم مصر وشاركوني خبراتهم الحقيقية عن طريق مقابلات شخصيه فيها خلاصة خبرتهم من بداية تدريبهم لوصولهم للعالمية عشان يكون ابنك وبنتك مكانهم في يوم من الأيام ويتكلل مجهودك معاههم بالنجاح.
حلول عملية لمشاكل السمنة والنحافة عند الأطفال.

الكتاب موجود فى معرض القاهرة الدولي للكتاب ٢٠٢١،صالة 2 جناح B38 دار تشكيل للنشر والتوزيع.