أفضل اقتباسات محمد إبراهيم الشاعر
سنناقش في هذا المقال أفضل اقتباسات محمد إبراهيم الشاعر. الشعر أشبه برسالة هائمة بين أمواج مُحيطٍ ألقاها صاحبها في لحظة ضعفٍ أو قوةٍ أو كردةِ فعلٍ، أو ربما ألقاها ليستمد القوة من مُستلمها، لا ليُعبر عنها.
تعرف ايضاً على أفضل اقتباسات هيثم دبور من هنا.
شخص مجهول يقف على الضفة الأخرى، أو مازال في نصف الطريق، غارق في أمواج الحب أو الفرح أو الحزن أو الاكتئاب.
فهناك الكثير من الطاقة والعنفوان بين شخصين كُل ما يجمع بينهما بضع أسطر من أبيات، سواًء كان ذلك الشخص هو كاتب هذه الأسطر، أو فقط مُستلم الرسالة. ولُغات الشعر تختلف، كذلك رسائله. يُمكن لها أن تكون قاسية في وضوحها أو بالكاد متوارية عن الوجدان والعقل.
والذي يجعل الشعر أسهل هضمًا، ألفته التي تأتي من لغته الفعلية والمعنوية. مثلًا يُعتبر الشعر المُترجم أحيانًا أقل مصداقية، فيمكن للترجمة أن تُعلي من شأن قصيدة أو توصمها بالبله والغباء.
وكُلما اقتربت اللغة من القلب، كُلما تشخصت القصيدة أكثر وأصبحت أقرب إلى صديق/ة أو حبيب/ة. واللغة الأقرب إلى القلب هي بالطبع لغة الكلام.
لذا، ربما تلمسنا اللهجة العامية بشكلٍ إنساني وشخصي أكثر. وبعد فترة ركود نسبي للشعر، حدثت ثورة شعرية في مصر تقريبًا مُنذ ثمان سنوات، شهدنا فيها ولادة الكثير من الشعراء الشباب الذين غيروا المشهد الشعري في مصر وأصبحوا صوت لجيلهم وأجيال سبقتهم وسبقوها،
ومن هذه الأسماء الشاعر الشاب محمد إبراهيم والذي أصبح في آخر ثمان سنوات في مقدمة قائمة أفضل شعراء العامية المصرية.
اليك ايضاً اقتباسات ريم بسيوني تعرف عليها من هذا المقال.
نبذة عن الشاعر محمد إبراهيم
محمد إبراهيم هو شاعر مصري شاب ولد عام 1992 في المحلة الكُبرى وتخرج من كلية التجارة. بدأ مشواره الشعري بديوان فلوماستر أبيض عام 2014.
ثم صدر له 7 دواوين شعر بالعامية المصرية، و3 كُتب غير روائية، ورواية، حققت جميعها نجاح لا يُمكن تجاهله بين أوساط الشباب.
تعرف ايضاً على اقتباسات أنيس منصور من هنا.
أفضل اقتباسات محمد إبراهيم
إليكم تجميعة لبعض أفضل اقتباسات محمد إبراهيم:
“انا كنت مفكر وانا عيل إن الأيام أفلام سيما ..
ورضيت بالواقع لما فهمت ..
حكمة ربنا فـ التقسيمة ..
كلنا جايين الدنيا بنقص
وبحاجة زيادة عن الباقيين ..”
“كتبت وراكى بالملي
كلامك وانت بتملي
بحبك حب مِتحبك
كأنه حجاب ومعمول لى
فبكتب شعر بالفصحى
بفرحة طفل فى الفسحه
وفرحة ذنب بالغفران
وعابد بعد ما يصلي”
“ريحتَك بتيجي فـ المكان بالليل أوي
وتاخدني مـ الضلمه لمكان شبهك كده
برتاح هناك من غير سبب
خلص الكلام
بدأ السكوت يدخل شفايفي عشان أنام
الليله ليه كل الأماكن
فيها منك شيء و روح
وبحس ضلك عـ الحيطان
وبحس نفسك فـ الهوا
مع اننا محناش سوا
الليله ليه كل الأماكن
فيها بيطول إنتظارك
فيها ضحكه من هزارك..”
“بعد بُعدك عني فعلًا
كُنتِ أقرب مما كُنتِ
كُل حاجة عُبارة عنك
كُل حاجة بشوفها انتِ
سايبة قلقك بين همومي
سايبة ريحتك بين هدومي
سايبة أيامك في يومي
وذكريات ملهاش نهاية
سايبة صوتك بيحاوطني
سايبة صورتك في المراية
سايبة حاجة في كل حاجة
رغم إنك مش معايا.”
“ مفيش اصحاب واقفين جنبك
غير في الكام صورة اللي فاكرهم
لا بتعرف تتطمن بيهم
ولا عارف تعرف ناس غيرهم.”
“كل حاجه ناقصه صوتك ..
ناقصه صورتك
ناقصه سيرتك ..
ناقصه تكشيرتك فـ غيرتك
ناقصه ريحتك ناقصه روحك ..
ناقصه حضنك
ناقصه خدك لما يتحول لـ ورد
ناقصه نفسك لما يلمس ..
كف إيدى فـ وقت برد ..”
“بقالها كتير ..
مبتنامشى على صوته
ولا مضايقه من غيبته
ولو سألوها عنه الناس
فتضحك ضحكه موجوعه
وتنطق بعدها ” سبته”
بقالها كتير ..
مبتبينش إحساسها
ولا بتحكى لـ أصحابها
ولا بتندم عشان سابها بقالها كتير ..”
“عشان القلب كان نادر
محبة لقلبك النادر
هويت والقلب وفى الندر
وقمت كتير اصلي الفجر
وادعى بحرقه ليلة القدر
عشان الباب ما بنا يزول
وينزل دمعي منى نزول
وتغرق فى الدموع كفى
ولا شافع ولا مكفى
والم الدعوه ع الدعوه وادعى كتير
وابقى لحوح
وقلبى يقول ماليش دعوه
عايزها يا رب لو بجروح”
“فاكر زمان فيه كلام كتير قولناه فـ نفس الوقت
و فـ قربى ليك قد البعاد إشتقت
واستنى يجمع بينا أى معاد
ليه إهتمامك بيّا قل وبالسكوت مين استفاد ؟!
ليه المعاملة اتغيرت فجأه لأسوء
وإن جيت تقولى بعشقك مقدرش أصدق
أصل المحبة مش غنى ولا كلمتين يعنى !
أنا محتاجة أفضفضلك
فمن فضلك ياريت تهتم تسمعنى”
“أول ما كبرت بدأت أفهم
إن الميت مش راح يرجع
عطيت كتير علشان جدي
وفضلت كتير برضو بدمع
على صاحب كان واقف جنبي
يسندني وماسك في ايديا
خبطته عربية
وقت ما كنا بنلعب كورة..”
“معلق روحه عـ الشماعه جنب الباب ..
وسايب باب ماضيه المُر متوارب
كعبه اللى دار فـ الدنيا لف وداب ..
ساب للحياه الحبل عـ الغارب !
ساند على حيطة أمل مايله
ماسك فـ إيدى من زمان كلمة ” ياريت “
معجون بمية صبّها العفاريت
مجنون انا عايش بلا ليلى
عقرب فـ ساعة حيطه لدغ الوقت
لا عرفت انا إمتى وفين ..”
“ولقيت مافيك كان بيت قديم انهار
أطلال بواقى حاجات من الماضى
وقعدت عـ القهوه اللى مش زحمه
رغم ان فيها كتير بشر قاعدين
وفضلت ماسك قلبك البردان
بإدين كمان زيه كده باردين
القهوة قلبت وشها فـ سكت ..
وسألت مال الحظ فـ الفنجان !
ولقيتنى غاوى انى أعشق بنت ..
غاوية تحب البُعد والنسيان !”
“هحكي عنك للي فاضل
من صحابي ومن جيراني
للي فاضل من سنيني
واللي عدى من زمان
للي فاضي ليا بعدك،
بعد مانسينا اللي كان
هحكي عنك للأماكن
كل ما همشي في مكان
خدنا فيه في الماضي صورة
أو مشينا هناك سوا
هحكي عنك لما هتعب للأطبه وللدوا
هحكي عنك للأماني
والأغاني المستحيلة
هحكي عنك ليكي انتِ
قبل ما هنام كُل ليلة”
“الفكرة إن البنت بتخاف مـ الفراق
وعشان كدا تقفل ساعات على نفسها
لو كنت ناوي تحبها
طمنها جدًا للي جي
متخليهاش لعبة فـ ايدين كل الظروف
وان شوفت جوا عينيها خوف
حاول تبان يومها شجاع
متسيبش خوفها من الوداع
يفضل مهدد كٌل شيء
الخوف دا غصبن عنها
ونتاج لاحساسها البريء
بس انت عرفها الطريق..”
“ضميني إن كُنتِ مفارقاني
وسيبيني في حضنك بدموعي
وان بَلِّت قلبك كام دمعة
حنيلي إن كان نفسك فيا
ما خلاص قصتنا بتتحول
لحوار فـ الفيلم وأغنية
وأهو خِلص الفيلم اللي كتبته
على عكس ما كنت أنا بتمنى
ما أنا كُنت في حُبك مـ الأول
إبليس متعشم في الجنة”
“يارب أنا صدقني مُفتقدك أوي
وعلاقتي بيك
مابقتش تشبه للي فات
جايلك وانا ندمان بجد
وقلبي مفلوق مـ العياط
صدقني أنا مش جي عشان
عندي امتحان
ولا حتى جي عشان غرض
أنا جي عشان قربك أمان
والبُعد عن دربك مرض”
“جواها شيء حلو إنكسر
من جرح كان سايب أثر
جواها شك في كُل حاجة
وكل حد ولخبطة
تبكي لحد ما ضحكها بيعلى
تضحك في وقت
ماتبقا لسه معيطة”
“بحبك حُب علمني
أشوفك شكلي في المرايات
واشوفك بطلة الحكايات
واشوفك اجمل النهايات
لكل حكاية ببدأها..”
المصادر:
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
