إنطلاق iRead بودكاست الموسم الأول

كل يوم في iRead فيه جديد!

إنطلاق أول موسم من iRead بودكاست ولأول مرة على أبلكيشن iRead eBooks خلال شهر يونيو، هتقدر تسمع مواضيع تهمك وفي منها هيسلي وقتك ويشاركك يومك.

فكرنا كتير في إيه اللي ممكن يسليك ويقدملك إضافة ومعلومات بشكل لذيذ وبسيط، قولنا ليه منعملش بودكاست لعيلة iRead؟

بدأناها بفكرة وشخبطنا لحد ما بانت ملامح البودكاست اللي هنقدمه، وفي الواقع اللي هيقدمه هما ضيوفنا، إزاي؟ اسمعنا وهتفهم كل حاجة. بس اللي نقدر نقولوا إنك هتتسلى وتضحك وكمان تفهم..

ليه هنقدم بودكاست؟
عشان نكون معاك في كل أوقاتك، في وقت قرأتك ووقت فراغك..معاك في السكة وأنت في مشوار أو سايق، وأنت مزنوق في الزحمة وعايز تسمع حاجة تسليك وتجري بالوقت، وممكن وأنت قاعد مستني تروح في النوم.

بودكاست iRead مش هيحتاج منك مجهود بصري ولا تركيز، كل اللي عليك إنك تفتح الحلقة وتحط السماعة وتعيش..

هيبقى عامل إزاي؟
لغة مصرية توصل لكل الناس ومواضيع تلمس الكل.

ضيوفنا
مؤثرين على مستوى واسع وكُتاب بنحبهم وبنحب أعمالهم وكمان فنانين وشخصيات عامة محبوبة. ولا أقولك خليها مفاجأة!

عدد الحلقات
الموسم الأول هيضم 4 حلقات ولكل حلقة ضيوف مختلفة وموضوع مختلف ومود تاني خالص عن غيرها من الحلقات تحت عناوين:
خطط للتعافي
الوقت
النداهة
أسرار وكواليس

إزاي تسمع البودكاست؟
نزّل أبلكيشن iRead eBooks.
سجل دخول أو لو معندكش حساب سجل حساب جديد.
حط سماعاتك واسمع الحلقة.

محتوى الموسم الأول:
لكل حلقة ناسها!
لو بتحب الرعب والقصص اللامنطقية هتلاقي، عايز تنظم وقتك ويومك موجود، وهنرضي فضولك بتصريحات بتققال لأول مرة وحكايات ما وراء الكواليس لأشهر الأعمال السينمائية المصرية في الأونة الأخيرة، وكمان في دردشة عن التأهيل النفسي وخطط للتعافي
تحسن من حياتك النفسية.

ترشيحات الكتب:
في كل حلقة من iRead  بودكاست الموسم الأول، ضيفنا هيرشحلك كتب في موضوع الحلقة اللي أضافت ليه وأثرت فيه، هتساعدك تطور من نفسك وكمان هيقولك على اقتباسات جميلة تحب تسمعها وتستفيد منها.

سؤالنا لضيوف الموسم الأول من iRead  بودكاست:
إيه هي بصمتك في الحياة؟

– هنسـأل السؤال في أول الحلقة ونتناقش فيه مع ضيوفنا وأنت عليك تتابع الحلقة لآخرها عشان تعرف الإجابة.

ملخصات الحلقات
عارفين إن وقتك ضيق، عشان كدة هنلخصلك كل حلقة وأهم المواضيع اللي اتطرحت فيها في مقال هينزل مع كل حلقة عشان نسهّلها عليك وتناسب وقتك.

رأيك في البودكاست مهم
عشان كده هنستناك تقول رأيك في كل حلقة تنزل ، تقدر تبعتلنا في رسالة على السوشيال ميديا، في ستوري، كومنت أو حتى بوست وتعملنا منشن ل iRead  ومتنساش تكتب هاشتاج #iReadPodcast عشان تشوف آراء الناس التانية وتتفاعل معاهم برأيك الخاص.

الحلقات معروضة بشكل مجاني على الأبلكيشن لكل الناس اللي حابه تسمع الحلقة، هدفنا في الموسم الأول إننا نقدم حلقات خفيفة على القلب في حرّ يونيو ونخليك تستمتع بصيفك سواء على البحر، في الطريق، في البيت أو الشغل، iRead  بودكاست تسمعه في أي وقت وأي مكان.

لو معندكش الأبلكيشن نزّله من هنا: https://bit.ly/3sw4nKw

ودلوقتي نقدر نقولك إنك من هنا ورايح هتسمع وتقرأ في iRead  وفي مكان واحد بس!

iRead eBooks
وعيش الحكاية.