ازاي تنظم مكتبتك على iRead eBooks

لفة في أقسام iRead eBooks

قبل ما ترتب المكتبة لازم تاخد فكرة عن الأقسام والكتب والروايات اللي موجودة وتفصلها عن بعضها، واحنا فى iRead eBooks قسمنا الكتب والروايات كالتالي: 

كلاسيكيات

هتلاقي هنا كل الكتب والروايات الكلاسيكية لنجيب محفوظ وإحسان عبدالقدوس وغيرهم من الكتاب الكبار اللي أمتعونا برواياتهم وكتبهم اللي بتاخد لعالم تانى من جمال مناقشة المواضيع وإستخدام اللغة بطريقة سهلة وسلسلة. 

محبي الدراما

قسم الدراما عندنا مختلف ومتنوع هتلاقي كتب بتناقش قضايا اجتماعية وعاطفية فى إطار درامي شيق وممتع، الكتب منتظمة هنا بطريقة تحمسك تقرأها كلها 

طور نفسك

كتب تطوير النفس من أهم الكتب اللي لازم تبقى في مكتبتك، لأنها تعتبر زي الدكتور النفسي، بسبب مناقشتها لبعض المواقف اليومية وتقديم حلول للمشكلات اللي ممكن تواجهك، كمان هتخليك تعرف أكتر عن نفسك وعن اللي حواليك وإزاي بيفكروا.  

روايات إنجليزية

سواء بتحب الأدب الإنجليزي أو عايز تطور من اللغة يبقى لازم تزور قسم الروايات الإنجليزية على iRead eBooks هتلاقي روايات مختلفة بأفكار وقصص هتحبها.  

إثارة وتشويق

لازم نعترف أن الإثارة والتشويق اللي بجد بيحصل في خيالنا لما بنقرأ الكتب أو الروايات رعب وفيها إثارة وتشويق، تخيلنا لشكل الأبطال والأشخاص المرعبين بينمي خلينا، عشان كدا لازما يكون في مكتبتك روايات رعب.

أعمال تحولت لمسلسلات وأفلام

جمعنالك أهم الروايات اللي اتحولت لأفلام ومسلسلات، زي لن أعيش في جلباب أبى ولا تطفئ الشمس وغيرهم من الروايات اللي كانت علامة في التليفزيون والسينما.

جميع أعمال نجيب محفوظ 

نجيب محفوظ من الأدباء اللي وصلوا للعالمية بالروايات العربية، في iRead eBooks عملنا قسم خاص لجميع أعماله من أول الحرافيش لحد القاهرة الجديدة، واللي لازم تكون في مكتبك.

صحة نفسية

صحتك النفسية مش أقل أهمية من صحتك الجسدية، في iRead eBooks هتلاقي قسم متخصص بس في كل كتب الصحة النفسية سواء العربية أو العالمية، واللي هتساعدك في تحسين صحتك النفسية. 

جميع أعمال أحمد خالد توفيق

بفضل كتابات دكتور أحمد خالد توفيق جيل كبير جداً من الشباب رجعوا يقرأوا تاني، سواء كنت من محبي سلسلة ما وراء الطبيعة، أو لست وحدك، هتلاقيهم كلهم مع شاي بالنعناع في قسم خاص بيضم جميع أعمال أحمد خالد توفيق على iRead eBooks. 

أعمال iRead الأصلية

مؤسسة iRead مش بس بتشجع الناس تقرأ كمان بتقف جنب كل المبدعين في الكتابة، عشان كدا خصصنا قسم في iRead eBooks بكل كتب الكتاب الصاعدين، هتلاقي كتاب “كانت هتفرق” وهو عبارة عن مجموعة قصص من كتاب مختلفين يبناقش المشكلات الاجتماعية والنفسية، وكتب تانية زى ليالي الكورونا وواحدة جديدة، غموض في مصر القديمة واليوم الأخير

تعمل إيه عشان تنظم مكتبتك الإلكترونية؟

عشان تنظم مكتبك على أبلكيشن iRead eBooks، اضغط على علامة القلب جنب كل كتاب أو رواية نفسك تقرأها ومتنساش تشترك في الإيميل عشان يوصلك ترشيحات بكتب مناسبة لمكتبك

في النهاية، لازم تعرف أن فريق iRead eBooks كتب المقالة بكل الحب عشان يشجعك على القراءة بانتظام، أنت تستأهل أنك تثقف نفسك وتبسطها، شكرا لأنك وصلت لحد هنا.