في مثل شعبي بيقول “لو كانت للرجولة شنبات كان الصرصار سيد الرجال” معناها إن الرجولة مش بتتقاس بالصوت العالي والأوامر أو الشنب والدقن، الرجولة ممارسة أخلاقية وده اللي ناس كتير مش فهماه!
في المقال ده هنرشحلك 7 كتب بيتكلموا عنه “هو”.
1- لماذا يكذب الرجال وتبكي النساء
الكتاب جه بصوره شاملة لمدى اختلاف التفكير بين الجنسين لتفسير سلوكياتهم واستكشاف الأبعاد الجديدة في العلاقات وفهم الآخر، واتكلم عن الابتزاز العاطفي اللي بنتعرضلوا سواء في حياتنا الشخصية أو في الشغل.
بيناقش كمان أسباب خوف الراجل من الألتزام وهروبه الدائم منه اللي نابع من عدم إحساسه بالمسؤلية الكاملة عن أفعاله واللي أكبر سبب فيها هي الأم في أوائل
حياته الأولي، الجزء التاني من الكتاب بيناقش سيكولوجية النساء ودوافع وأسباب تذمرها أغلب الأوقات.
اقرأ الكتاب واعرف تفاصيل الموضوع من على iRead eBooks
2– شرقي بإمتياز
الرجالة نوعين زي الشعير اللي مالوش طعم وبنحاول نزودله إضافات من عندنا عشان نعمل منه مشروب، وفي نوع زي جوز الهند شكله ميقولش إن جواه
فاكهة ترطب عليك حر الصيف..
في حياة أغلب الستات هنلاقي عدى في حياتها الشعير اللي بتديله أكبر من حجمه وبتشوف فيه صفات وهمية من خيالها وجوز الهند المنعش اللي يطبطب عليها، دول هما عمر وإبراهيم في حياة بطلة الرواية.
اقرأ الرواية كاملة على iRead eBooks من هنا
3- ذكر شرقي منقرض
اترسمت عندنا صورة مشوهة للرجل فبقى ذكر فقط لا غير من خلال أسلوب التربية الغير سليم، واللي بيتقدم له إن ده هو العالم، فلما بيكبر بينفذ اللي اتربى عليه.
هتكتشف إن اللي بيحرك كل شيء من ورا الكواليس هي المرأة نفسها! .. وإن هي السبب في كل المشاكل اللي طلعت ” الذكر الشرقي” بمفهومه الخاطيء للأسف.
ولكن في النهاية لازم يظهر لنا الحل وإن في أمل وإن في ناس قدرت تتغير للأفضل بالفعل زي “أدهم”.
اعرف حكاية أدهم من أولها لآخرها في كتاب “ذكر شرقي منقرض”، اطلبه ورقي من هنا
4- أحببت وغداً
“هؤلاء الذين يتسببون في الألم لنا ليسوا مسؤولين عن تعافينا”
قدملنا د.عماد رشاد روشتة نفسية مفصلة، عن طبيعة العلاقات المؤذية المريضة، وطرق التعافي منها، وممكن تطبيق الكتاب ككل على أي علاقة مؤذية خارج نطاق علاقات الحب، في محاولة لفهم أوسع، ومحاولة لإخراج الضحايا من دائرة الوهم، ومنحهم زاوية جديدة حقيقية لرؤية الوغد المؤذي على حقيقته.
مش بالضرورة تكون اتأذيت عشان تقرأ الكتاب، من خلال الكتاب هتعرف إزاي تتعرف على المؤذي النرجسي وتبعد عنه.
كتاب تحت شعار اعرف “الوغد” وعلّم عليه!
مهم تقرأ روشتة العلاج كاملة عشان كده وفرنالك الكتاب على iRead eBooks
5– رجل ناقص
الراجل دايماُ بيسعى إنه يحس بالإكتمال.. عشان كده حاسس إنه ناقص شئ.. جزء في صورته لسه مكتملتش!
ده اللي هنشوفوا مع بطل الرواية اللي بيدور على الجزء اللي ناقص جواه، إزاي بيتعامل مع النقص ده، وإزاي ده ممكن يأثر على الناس اللي حواليه.
بطلنا هيحقق معظم أهداف ناس كتير، منها الشغل والسفر والنجاح والزواج والإنجاب ولكن هيفضل عصفور الحب واقف على شباكه بيناديه.
اطلب الرواية ورقية واعرف حكاية البطل كاملة من هنا
6- ظننته رجلاً
العنف والرجالة كلمتين مربوطين ببعض في عالمنا العربي، في كل مدينة، في كل حي، هتلاقي ضحايا العنف قاعدين في زوايا البيوت خايفين.
في صفحات الرواية هتلاقي 5 قصص بيتكلموا عن العنف اللي بيسببه الرجالة لضحاياهم ومدى الأذى النفسي التابع ليه، هتلاقي القصص مشابها للواقع، على الأقل هتكون شوفت أو سمعت واحدة منهم في حياتك.
اطلب الرواية ورقية واعرف ال 5 حكايات من هنا
7- كتالوج سي السيد
زي ما لكل حاجة كتالوج، الرجالة برضه ليهم كتالوج!
كتالوج يشرح تصرفاتهم، ودوافعهم، يفهمنا أكتر عنهم يمكن نقدر نوصل لنقطة تفاهم مابينا، وطبعاً عشان نفهمهم يبقى لازم اللي كاتب الكتالوج يكون منهم.
إيهاب معوض قدملنا وصفة سحرية لكيفية التعامل مع الرجل فى جميع مراحله العمرية عن طريق شرح “كيف يفكر الرجل؟” بيحب ويكره إيه؟، ليه بتنشأ الاختلافات؟، ده غير مفهوم الرجل عن النظافة، النوم والتسوق بالإضافة إلى صفاته الأساسية.
عشان تفهم اكتر اطلب الكتاب ورقي من هنا واقرأ الكتالوج كامل
في آخر المقال حابين ننوه إن دي كانت نتيجة الكتب اللي بتتكلم عن الرجالة، وإن دلّ على شئ فده يدل على وجود غضب وراه قصص كتير تتحكي وتطلع للنور.. وبنشكر كل رجل لا ينتمي فيزيائياً ولا معنوياً لما يسمى ب “نادي الرجال السري” اللي قدمهولنا الفنان كريم عبد العزيز على شاشات السينما.