الشاي صوت مصر

قعدة البلكونة ساعة العصاري مع حد بتحبه بتقسم معاه كوباية الشاي وصوت أم كلثوم جاي في الخلفية ” كنت بشتاقلك وانا وانت هنا بيني وبينك خطوتين يا حبيبي” بتطبطب عليكم وتنوسكم في قعدة رايقة بتفصل فيها عن الدنيا كلها، وتروح لعالم تاني من الروقان والاستجمام.

لأن الشاي من المشروبات الأساسية في مصر ونعتبر من أكثر الدول اللي بتستهلك شاي، لكن احنا بنعتبره أكثر من مجرد مشروب، الشاي ليه استخدامات تانية زي إن العمال عايزين زيادة، فيقولك فين الشاي؟! ولما تاكل أكلة حلوة لازم تحبسها بالشاي، ويا سلام لو كان بالنعناع، ويعتبر المرشح الأول لإغراء أي ضيف عشان يكمل قعدة معاك، فبتقوله ” نعمل كوبايتين شاي كده نضبط دماغنا بيهم.

من كتر حبنا للشاي هتلاقي كتب عنوانها كان الشاي زي اللي هشرحهم ليك دلوقتي:

شاي بالنعناع

شاي بالنعناع هو كتاب عبارة عن مجموعة مقالات للدكتور أحمد خالد توفيق، بمجرد ما تقرأه تحس بكمية مشاعر مختلفة بين الدفا والألفة اللي ممكن تبكيك أو تخليك تقع من شدة الضحك، هتخليك تتأمل في جمال وأسلوب الكتابة والمواقف اللي بيسردها من خلال نقد لاذع لأحوال البلد وتغيراتها من أول ” أزمة الإنسان والعصر” وتغير اتجاهات الفن والسينما ولحد ما تخلص كوباية الشاي بالنعناع هتقع في غرام كلمات بسيطة ورقيقة هتلمس قلبك من غير تعقيد.

خمسينة شاى

في كتاب خمسينة شاي الكلمات متفصلة ومكتوبة عشانك، تحس اكنك بتتكلم بين وبين نفسك، هتفتكر ذكريات وهتحس بحنين وشحن زي دفا الشمس وقت الغروب، الكاتبة منار جابر هتاخدك في رحلة هتحسسك بالراحة والطمأنينة والهدوء داخل قلبك.

في حديقة الشاي

أجهز عشان عندك معاد مع الأستاذ مراد عز الدين ووجيه بيك والأستاذ نيازي ومراته هدى، هتشربوا الشاي سوا وهتتكلم عن تاريخ مصر بعد ثورة يوليو وتأميم قناة السويس ولحد العدوان الثلاثي، وما بين رشفات كوباية الشاي هتلاحظ ازاى اتغيرت خريطة مصر الاقتصادية والاجتماعية، وهتلاقي بعض العائلات اللي فلست، وعائلات تانية اغتينت شبه لعبة السلم والثعبان اللي أرقام النرد بتتحكم في مصريها، كل ده بقلم الكاتب بدوي خليفة.

كل الكتب دي وأكثر هتلاقيها على iRead eBook، اضغط هنا عشان تقرأ كل اللي نفسك فيه وليك 3 ايام تجربة ببلاش، ومتنساش تقولنا بتقرأ إيه وأنت بتشرب شاي.

فريق iRead كتب المقالة بكل الحب عشان يشجعك على القراءة بانتظام، أنت تستاهل أنك تثقف نفسك وتبسطها، شكراً لأنك وصلت لحد هنا.