الوقت بيروح فين؟ – iRead Podcast

الوقت من أكثر الحاجات اللي بتتسرق مننا من غير ما نحس، تلاقي نفسك داخل أوضتك الساعة 12 بالليل عشان تنام وفجأه تلاقي الوقت اتسرق والساعة جت 6 الصبح بسبب أزمة تفكيرك في هل المنتوس هينفجر في إزازه الكولا أو ممكن تفضل تخمن لون السجادة بعد غسيلها ممكن يكون إيه، عشان كده في Read Podcast عبدول ومنة الزهيري هيكلموك عن تضيع الوقت وطرق مختلفة عشان تتفادى التسويف. 

شكل الحلقة

الحلقة كانت حوار بين منة الزهيري “صانعة محتوى”، وعبدول إبراهيم “صانع محتوى”، مدة الحلقة 55 دقيقة، تقدر تسمعها مجانًأ على iRead eBooks 

محتوى الحلقة

منة الزهيري وعبدول كانوا بيتكلموا عن تخطيط اليوم وتنظيم الوقت وإيه الروتين  اللي هما بيعتمدوا عليه في يومهم واللي من خلاله توصوا لطرق مختلفة عشان يتفادوا التسويف هتلاقي عبدول بيقولك أنه بيزنق نفسه بين حاجتين عشان مضيعش أكبر قدر من الوقت إنما منه ممكن تأجل تسليم شغلها قبل الـ deadline بساعة مثلًا، كمان هتعرف إزاى ممكن تحدد أولوياتك عشان تنظم حياتك أكثر وليه ممكن تقول لا وإجابات عن أسئلة كثيرة منها هل أنا أناني ولا اللي معايا مش مقدرني؟  في النهاية الحلقة لذيذة وممتعة وهتضحك من قلبك وهتغذي عقلك وروحك. 

ترشيحات مهمة اتقالت في الحلقة

منة وعبدول اتفقوا على حبهم للكتب الصوتية والأفلام الوثائقية، عشان كده عبدول عمل playlist على اليوتيوب مجمع فيها أفلام وثائقية ممكن تحبها اضغط هنا عشان تشوفها

ازاى تسمع الحلقة

تقدر تسمع كل حلقات الموسم الأول من iRead podcast مجانًأ على iRead eBooks 

نزل أبلكيشن iRead eBooks 

اعمل حساب “Account” أو سجل دخول

اختار iRead Podcast 

في النهاية كل واحد يقدر يطلع من غيبوبة تضيع الوقت، لو فعلًا حدد أولوياته والحاجات اللي هو ممتن لها في حياته، ممكن يكون الموضوع صعب في الاول انك تتخلص من تضييع الوقت انما مش مستحيل، هنستني رأيك في الحلقة دي والحلقات اللي جاية.