بسنت دينار في iRead Podcast

مشوار التعافي بيبدأ بقرار داخلي منك وإيمان بأنك تقدر تتعافي وتحسن حياتك للأحسن وتختار نفسك أولاً وأخيرًا، وفي حلقة النهاردة من iRead podcast استضفنا بسنت دينار اللي كلمتنا عن رحلة التعافي وإزاي ممكن تساعد نفسك عشان تستمتع بحياتك أكثر. 

شكل الحلقة

الحلقة كانت من حوار إيمان يحيى، وهى كاتبة وصانعة محتوى مع بسنت دينار وهي صانعة محتوى ودكتورة أسنان وكمان فازت بجائزة Tiktok AWARD، مدة الحلقة 50 دقيقة، تقدر تسمعها مجانًا على iRead eBooks 

محتوى الحلقة

اتكلموا في الحلقة عن بدايات بسنت في صناعة المحتوى ورحلتها مع التعافي، الثقة بالنفس، تحديد الأولويات وتنظيم الوقت، كمان الفرق بين الVision board و journaling وإزاي ممكن تستخدمهم بطريقة تحسن بيها تنظيم وقتك وتحديد أهدافك والاستحقاق وازاى ممكن توازن بين حبك لنفسك السوي وبين الغرور وختموا الحلقة بترشيحات لذيذة. 

ترشيحات مهمة اتقالت في الحلقة 

بسنت رشحت كتابين غيروا حياتها للأحسن من ناحية التفكير وهما: 

قوة عقلك الباطن

ويعتبر من أقوى الكتب وأوسعها إنتشارا لأنه يجمع بين الحكمة القديمة والعلم الحديث، هيفتح إدراكك لأشياء كثيرة مهمة كمان هيقولك على تقنيات فعلية تستخدمها في حياتك عشان تطور شخصيتك وتنمى ذاتك. 

Good vibes good life 

الكتاب اللي هيساعدك في خلق بيئة إيجابية من خلال جذب الأشخاص الإيجابيين لحياتك والتعافي من التأثيرات السلبية من آثار الماضي كمان هيعلمك إزاي تحب نفسك بطريقة صحية وتعمل حدود مع الآخرين . 

ازاى تسمع الحلقة

تقدر تسمع كل حلقات الموسم الأول من iRead podcast مجانًأ على iRead eBooks 

• نزل أبلكيشن iRead eBooks 

• اعمل حساب “Account” أو سجل دخول

• اختار iRead Podcast 

الحلقة كانت جميلة وممتعة ومليانة بالتجارب والمواقف اللي هتحسسك انك قاعد بتدردش مع صحابك، و مفيش أفضل من الاقتباس ده من كلام بسنت دينار نختم بيه المقال: “التعافي من الناس اللي أذوك أفضل أنواع الانتقام” هنستني رأيك في الحلقة دي والحلقات اللي جاية.