“تحويل رواية “عهد دميانة” لعمل درامي للكاتب أسامة الشاذلي مع”المتحدة”

وقعت الشركة المتحدة للخدمات الإعلامية النهاردة عقد مع الكاتب والروائي الكبير الدكتور أسامة الشاذلي لتحويل رواية “عهد دميانة” لعمل درامي.

رواية عهد ديمانة صدرت سنة 2023 وبتدور أحداثها في العصر الفاطمي في إطار درامي إنساني تاريخي عن حياة دميانة وأمها “ونس”، اللي كانت مهتمة جداً بتعليمها مبادئ المسيحية والمواظبة على زيارة الكنيسة عشان تحقق حلمها القديم وتنذرها للبتولية، هنرجع بالزمن مع “ونس” ونعرف قصتها لما كانت عايشة مع والدها التاجر “مينا” والمربية “حنة” وقد إيه كانوا سعداء لحد ما جه اليوم اللي والدها قالها فيه أن ابن عمها “بطرس” أتقدم عشان يخطبها وهو وافق، من هنا تنقلب حياة ونس رأساً على عقب هي وكل اللي تعرفهم، عشان في الآخر تعرف إيه اللي ممكن يحصل للإنسان لما يُجبر على حاجة مش عايزها.

الرواية ممتعة جداً، أحدثها في عصر مش كتير من الكتاب اتكلمو عنه، نتوقع نجاح كبير للعمل من دلوقتي.

الرواية موجودة على iRead eBooks

ولو بتحب الكتب الورقية تقدر تطلبها من iRead Shop 

عن الكاتب أسامة الشاذلي:

دكتور أسامة عبد الشاذلي – طبيب وكاتب وروائي مصري، حصل على جائزة أفضل عمل أدبي صاعد وأفضل كاتب بتصويت الجمهور في iRead AWARDS سنة 2022 عن روايتة “أوراق شمعون المصري” واللي حققت نجاح كبير جدًا وتصدرت قوائم الأكثر مبيعًا.