أعلن إسلام وهبان رئيس القسم الثقافي بموقع “إعلام دوت كوم” وصاحب جروب مكتبة وهبان الثقافي عن مسابقة ريفيوهات القراء.

وأعلن عن ذلك في الجروب الثقافي عبر مواقع التواصل الاجتماعي فيس بوك:

بما إننا بنتكلم عن القارئ وضرورة تشجيعه إنه يقول رأيه بكل موضوعية وثقة، وبما إن الهدف الأساسي هو التشجيع على القراءة والارتقاء بالقارئ سواء في نوعية الأعمال اللي بيقراها أو في لغته وطريقة تعبيره عن اللي بيقراه

فأنا هعمل مسابقة يوميا على الجروب تشجيعا للقراء وتحفيزا ليهم على تحسين لغتهم وأسلوبهم النقدي، وهختار في نهاية كل يوم ريفيو من ريفيوهات القراء، أنشره على المدونة، وده يبقى بمثابة أرشيف لقراءاتكم وريفيوهاتكم تقدروا ترجعوله بسهولة من خلال لينك المدونة، وكمان أكتر قارئ هينشر له ريفيوهات خلال الشهر على المدونة، هيتم تكريمه كقارئ الشهر بالجروب وهيحصل على مجموعة قيمة جدا مقدمة من #مكتبة_وهبان بالتعاون مع دور نشر مختلفة.

كل ما عليك إن تحاول قدر الإمكان تكتب ريفيو أو قراءة مميزة على الجروب تحت هاشتاج #ريفيوهات_مكتبة_وهبان وحاول قدر الإمكان تتوافر فيها الشروط دي:

١- الريفيو يكون أقرب للفصحى (مش شرط كله بالفصحى بس نحاول)

٢- لا يقل عن ٣٠٠ كلمة.. عشان أقدر أنشره ع المدونة

٣- يكون ملم بجوانب عدة للكتاب أو الرواية اللي قرأتها وحاول قدر الإمكان تحللها وتقول رأيك فيها.

٤- الريفيو يبقى معاه غلاف العمل

زى ما بقولكم احنا بنحاول نحسن من قدراتنا اللغوية والتعبيرية والأسلوبية وده الهدف الأساسي من المسابقة واللي أتمنى تستمر للشهور الجاية، والأهم إننا نحاول

يلا منتظر ريفيوهاتكم تحت الهاشتاج ده ومش شرط العمل يكون جديد

للانضمام إلى جروب مكتبة وهبان من هنا https://www.facebook.com/groups/241649264405589/?ref=share

نبيلة عبدالجواد
نبيلة عبدالجواد

كاتبة ومؤلفة مواليد القاهرة نوفمبر١٩٩٩، تدرس إدارة الأعمال وتهوى القراءة والكتابة، بدأت بمدونة صغيرة على الإنترنت، وتعتبر رواية حانة الأقدار أول عمل روائي في مسيرتها الأدبية.

شارك

حمّل التطبيق

تحميل التطبيق

الرئيسية
حسابي
كتب
كُتاب
متجر