تعرف على مسابقة مكتبة وهبان الجديدة للاستعداد للعام الجديد

أعلن الاستاذ إسلام وهبان عن مسابقة جديدة ضمن مسابقات مكتبة وهبان.

وكتب عن ذلك:

أيام قليلة بتفصلنا عن 2022، وعشان القراءة عادة بنفتخر كلنا بيها، فأنا نفسي كل واحد يشوف معدل قراءاته خلال 2021 ويتباهى بيه لو كان مليان قراءات وخبرات وزيادة في الوعي والمعرفة، أو يحاول يشجع نفسه على تخصيص وفت أكبر واهتمام أكتر بالقراءة.

عشان كدة هنعمل بالتعاون مع #دار_دون مسابقة عن حصيلة قراءات كل واحد فينا خلال 2021، وده من خلال هاشتاج #حصيلة_قراءات_2021 ومن خلاله كل واحد فينا يتصور مع الكتب اللي قراها السنة دي وينزلها في بوست على الجروب هنا يحط فيه عناوين الكتب ودرجة من 5 لكل عنوان، وكلام بسيط عن رحلته مع القراءة خلال 2021

المسابقة هتستمر حتى يوم 31 ديسمبر، وفي الدقايق الأولى من 2022 هنختار 2 من الفائزين، واحد بشكل عشوائي، والتاني هيكون صاحب أعلى صورة هتحوز على تفاعل القراء، والتفاعل هيقاس باللايكات والشير، ومش شرط نهائي تكون الكتب من دار دون بل كل الكتب اللي قرأتوها السنة دي

مهم جدا تحطوا الهاشتاجات دي في البوست #حصيلة_قراءات_2021 وكمان #القراءة_في_صحبة_دار_دون

الفائزون هيحصلوا على مجموعة مميزة من إصدارات دار دون

ملحوظة:

المهم هو مشاركة صورنا مع الكتب وازاى نكتب بوست حلو فى محبة القراءة، مش التنافس مين قرأ أكتر، والاختيار مالوش دعوة بعدد الكتب