روايات للمراهقين

في الفترة الأخيرة لاحظت أن عدد القراء زاد خصوصًا بعد انتشار الكتب الالكترونية eBooks اللي سهلت وصولنا للكتب والروايات، وعشان متغرقش في بحر عناوين الكتب والروايات وتقع في فخ الروايات اللي فيها جرائم في اللغة العربية أو مواضيعها مش مناسبة ليك، جمعتلك روايات بتتكلم عن مواضيع تهمك مكتوبة بطريقة سهلة ومش معقدة وأسلوبها سلس ومش مبتذل تقدر تبدأ بيهم قراءة

ساق البامبو للكاتب “سعود السنعوسي”

الرواية بتتكلم عن عيسى الولد اللي من أب كويتي وأم فلبينية، عاش طفولته ومراهقته في الفيليبين، بعد وفاة والده رجع للكويت عشان يصطدم مع ثقافة مجتمع جديد بالنسباله حياته بتتعقد أكثر لما عائلة والده بترفض تعترف بيه لكونه ابن عاملة فيليبنية، عيسى ضاع بين بلدين، دينين، هويتين الكاتب جسد معاناته مع شعوره بضياع هويته واحساسه اللامنتمي لا هو مواطن فلبيني ولا هو مواطن كويتي بملامح عربية، أسلوب السرد ممتع ومشوق جدًا. الرواية فازت بجائزة البوكر كأفضل رواية عربية، تستحق القراءة وهتخلي افكارك تنضج بطريقة سليمة وعميقة، اطلبها دلوقتي من iRead shop

عقل بلا جسد – للدكتور أحمد خالد توفيق 

عبارة مجموعة قصصية مكونة من 17 قصة وكل حكاية بتدور حوالين لغز، الأبطال هما الأستاذ عصام فتحي مدرس الرياضيات والشخصية التانية لضابط شرطة ، كل قصة ليها لغز هيخليك تفكر بمتعة وتشويق عشان تعرف حل شفرات و ارقام اللغز في كل قصة. اقرأها دلوقتي على iRead eBooks 

احكي يا دنيا زاد للكاتبة منى سلامة

تفتكر احنا ليه بنحب وازاى نحب وامتى نحب اصلًا؟ 

ده اللي الرواية بتحاول توصله ليك من خلال 3 اجزاء، هتعرف الإجابات من خلال أختين توأم، كل واحدة منهم عرفت مفهوم غلط عن الحب، واحدة وصلت إلى أقصى حدود العطاء عشان تفضل مرغوب فيها والثانية وصلت لاقصى حدود الأخذ من غير حساب لنفس السبب، الكاتبة بتحلل العلاقات السامة واللي كان أساسها الحب، عشان تستوعب فكرة التعبير وتوظيف المشاعر بطريقة صحية ومتوازنة لتجنب الأذى. تقدر تقرأ كل الاجزاء من موبايلك على iRead eBooks من هنا

صاحب الظل الطويل للكاتب جين ويبستر

الرواية بتتكلم عن “جودي أبوت” بنت يتيمة فازت بمنحة عشان تدرس في مدرسة “لينكون الثانوية” ولكن هي مش عارفة المنحة دي مين جابها ليها، غير اسمه ” جون سميث” وعشان هى متعرفش عنه حاجه أطلقت عليه اسم “صاحب الظل الطويل” طول الوقت كانت بتتمنى انها تعرفه عشان تشكره، ولكن سميث مقابل أنه جابلها المنحة طلب منها أنها تكتبله كل شهر رسالة، بتبدأ تحكي جودي في رسائلها عن طفولتها وقصتها مع دار الايتام، الرواية تعتبر من افضل الروايات العالمية واتعملت مسرحية وفيلم وكمان مسلسلات كارتون، وتستحق كل دقيقة من وقتك في قراءتها، اطلبها دلوقتي من iRead shop

ترانيم في ظل تمارا للكاتب محمد عفيفي

الكتاب ده يعتبر الحياة اللي أنت بتعيشها في خيالك، بيت صغير بجنينة عايش فيه مع حد بتحبه وعندك قطة جميلة بتلعب معاها، الكاتب محمد عفيفي عبر عن السكون والهدوء والحب ببساطة وجمال ورقي في الأسلوب، كتاب هيونسك بروقانه، اطلبه دلوقتي من iRead shop

“القراءة غذاء العقل والروح” مش مجرد شعار تقليدي بس حقيقي لو بدأت تقرأ هتغير نظرتك للحياة والناس اللي حواليك، هتاخدك من دوشة افكارك وهتجاوبك على أسئلة كتيرة بتدور في بالك عن العلاقات والحب والصحاب والفلوس والسياسية والاقتصاد والشوارع والحواديت وغيرها كثير. 

فريق iRead كتب المقالة بكل الحب عشان يشجعك على القراءة بانتظام، أنت تستاهل أنك تثقف نفسك وتبسطها، شكراً لأنك وصلت لحد هنا.