سويت نوفمبر

التعمق في أغنية، لما الشتا يدق البيبان، بيخليها مش مجرد غنوة سمعتها مرة وخلاص، بيخليها من الحاجات اللي بتحسسك ان خلاص انتهت فرهدة الصيف وبدأ الفصل الهادئ اللي مليان رومانسية، فتبدأ تجهز سهرة شتوية كما يجب أن تكون “أكلة لذيذة، فشار، مشروبك السخن المُفضل” وفيلم Sweet November، واللي يعتبر الراعي الرسمي لـ ليالي الشتاء الرومانسية ومتقدرش تعدي شهر نوفمبر من غير ما تشوفه، عشان كده بنرشحلك في مقالة النهاردة روايات رومانسية هتقع في غرامها زى ما وقعت في غرام سويت نوفمبر.

التاسع من نوفمبر

قبل يوم من سفر “فالون” لبلد تانية، القدر بيجمعها بروائي طموح اسمه “بن” عشان يحصل بينهم إنجذاب عاطفي، يخليهم يقضوا أخر يوم لبطلة الرواية في لوس انجلوس سوا، ومن بعدها كل سنه في نفس المعاد “9 نوفمبر” بيقابلوا بعض، ولكن هل هي علاقة حب حقيقة ولا موازية؟، الرواية من تأليف كولين هوفر وترجمة عمر العوضي وإصدار دار الرواق للنشر والتوزيع، اطلبها من هنا 

تجربة الحب الأمريكي

روزي بنت إسبانية عندها مشكلة كبيرة، استقالت من وظيفتها عشان تشتغل ككاتبة روايات رومانسية، ولأن الخبر صادم بالنسبة لعائلتها اضطرت انها تخبي عليهم، ولكن لسوء حظها سقف الشقة بيقع عليها، وتضطر  تنقل لشقة صديقتها المقربة واللي بتكون خارج نيويورك، ولكن صديقتها أعارت الشقة لابن عمها، واللي بيكون الكراش بتاع روزي من زمان، عشان تبدأ قصة حبهم اللي مليانة تفاصيل، بس ياترى تجربة الحب الأمريكية الإسبانية هتنجح ولا هتفشل؟ الرواية من تأليف إيلينا أرماس وترجمة رشا ماجد وإصدار الرواق للنشر والتوزيع، اطلبها من هنا 

خديعة الحب الإسباني

كاتالينا بتتصدم لما بتعرف خبر خطوبة حبيبها السابق، فقررت تمثل انها ارتبطت بشخص تاني أمريكي، ولكن باقي وقت قليل جدًا على فرح اختها ولازم تلاقي شخص أمريكي مناسب يمثل دور حبيبها، ملقتش غير زميلها في الشغل “آرون” أمريكي وشخصيته متغطرسة وبيعاملها بعنصرية، ولكن اضطرت انها تخدعه عشان يجي معاها الفرح، وخلال رحلتهم إلى إسبانيا اكتشفت ان شخصيته مختلفة تمامًا عن اللي دايمًا بيظهره للناس فكان طيب وحنين وودود، ولكن هل هيسامحها على كذبتها ولا هيسبها؟ الرواية من تأليف إيلينا أرماس وترجمة خميلة الجندي وإصدار الرواق للنشر والتوزيع، اطلبها من هنا 

عظام القلب
 

 على شاطئ المحيط بتقضي “بياه” إجازتها الصيفية مع عائلتها قبل دخولها الجامعة، لكن فيه سر جواها من الصعب تقوله وتراكمات وخذلان من أمها بسبب إدمانها للمخدرات فبتلاقي صعوبة في البوح، لكن في لحظة انتقالية في حياتها بتقابل “سامسون” في شبه جزيرة بوليفار، ووقعت في حبه، وبيساعدها تخرج من الجزيرة، ولكن هل هيقدر يتعامل مع ماضي “بياه” بالرغم من أن ماضيه صعب، ولا هيقدر وجعها ويعرف يديها الحب اللي بتنظره؟ الرواية من تأليف كولين هوفر وترجمة خميلة الجندي.، اطلبها من هنا 

في النهاية بتمنى ليكم سهرة شتوية مليانة رومانسية ودفا زي سويت نوفمبر ” Sweet November”