ضيوفنا في iRead بودكاست الموسم ال1

“اتفضلوا في بودكاست iRead” ..
جملة فإبتسامة بدأنا بيها ترحابنا بضيوفنا اللي بنحبهم في صالون iRead بودكاست، عملنالهم مج شاي بالنعناع عشان نبدأ الدردشة، وبالحديث عن الدردشة، خلينا نتكلم شوية عن ضيوفنا في الموسم الأول.

الكاتب والسيناريست أحمد مُراد
رحب أحمد مُراد بوجوده معانا في الجزء الأول ومش بس كده، كلمنا في مواضيع مقالهاش قبل كدة وجاوب على كل أسئلتنا بكل صراحة ووضوح، فتح قلبه معانا وشاركنا أفكاره وآرائه الجريئة، وكمان لعب معانا.

الجدير بالذكر إن الكاتب أحمد مراد من أوائل الداعمين لمؤسسة iRead ومن أكبر المشجعين للقراءة حالياً.

أعماله السينمائية
تراب الماس
الأصليين
الفيل الأزرق 1، 2
كيره والجن

الكاتب والروائي حسن الجندي
عملنا احتياطتنا في الحلقة ديه عشان منتفاجئش بأي حاجة مش طبيعية ممكن تحصل في وجود حسن الجندي معانا، ولكن على عكس المتوقع، أشهر كاتب رعب في الأونة الأخيرة طلع بيخاف زينا!

حسن الجندي قابلنا بوجه بشوش وإبتسامة مش بتفارقه، واكتشفنا إن جزء من نجاحه كان الخوف..الخوف اللي بيحسه قال هيحصل إيه لو نقلته للناس ونبقى كلنا بنحس بنفس الإحساس؟ وفي الحقيقة نجحت الخطة بالفعل وعرف يوصل ده بإحترافية.

أعمال روائية

سلسلة روايات مخطوطة بن إسحاق
ابتسم فأنت ميت
في حضرة الجان
نصف ميتًا دفن حيًا
ليلة في جهنم-منزل أبو خطوه
لقاء مع كاتب رعب
حكايات فرغلي المستكاوي
ليله في جهنم-الرصد
اعذريني ومخاوف أخرى
رواية «الجزار»

صانعة المحتوى: بسنت دينار
في خلال 4 سنين بس عدت المليون مُتابع ومكملة..
المؤثرة على السوشيال ميديا بسنت ضيفتنا في الموسم الأول من iRead  بودكاست، هتكلمنا عن حاجات كتير في حياتها وهتكلمنا في إزاي نحافظ على التوازن النفسي والعقلي من واقع خبرتها فيه وقراءاتها وتجاربها الشخصية، حلقة مليانة طاقة إيجابية وتفاؤل.

صانع المحتوى: عبدول
“الوقت” كان رحلته المفاجأة اللي سافر فيها عبر الزمن في خلال 5 سنين!
عبدول إبراهيم هو مؤثر وصانع محتوى كوميدي على السوشيال ميديا ليه قصة مع الوقت هنعرفها في البودكاست، حلقة خفيفة ولذيذة هتسلي وقتك وهتطلع منها بنصايح تفيدك في يومك وتنظم وقتك.

في نهاية المقال بنشكر ضيوفنا الأعزاء على ترحيبهم بالدعوة متمنيين ليهم التوفيق في حياتهم الشخصية والمهنية الفترة اللي جايه.

اسمعوا حلقات iRead بودكاست الموسم الأول على أبلكيشن iRead eBooks من هنا: https://bit.ly/3V4oeuA
ولو حابب تشوف الحلقة هتلاقيها على قناة يوتوب من هنا: https://bit.ly/3wVq0WZ