عتبات البهجة: المسلسل ولا الرواية؟
الوقوف على عتبات البهجة دائما أفضل من البهجة نفسها
أبطال الحكاية هما ” أحمد وحسن” واحد عدى سن الستين والتاني اصغر منه ب 5 سنين، كل ليلة بيتقابلوا ويتمشوا لحد ما يوصلوا للجنينة اللي بيحبوا يقعدوا فيها ويفضلوا يدردشوا سوا، حسن مهتم بالمواقع الطبية ووصفات الطب البديل والعطارة وأحمد لسه عنده طاقة يحب ويدخل في علاقات واللي ممكن يكون تفسير سلوكه المنحرف بعض الأحيان هو مقاومة للموت.
طريقة سرد الرواية
الكاتب إبراهيم عبد المجيد، كتب الرواية بطريقة خفيفة وبسيطة وانسيابية، تحسسك انك قاعد تدردش مع راجل كبير في السن، تفاصيل الرواية هادية ومع قفلتك لآخر صفحة فيها هتحس بالخفة وتبتسم وممكن وقتها تفتكر صديق عزيز عليك أو أب أو أخ كبير ليك، وأعتقد ده كان هدف عبدالمجيد من كتابة رواية بالطريقة الجميلة دي.
هتلاقي هنا كتب وروايات مختلفة بقلم الكاتب إبراهيم عبدالمجيد
مسلسل عتبات البهجة رمضان 2024
المسلسل مستوحى من رواية ” عتبات البهجة” وهيكون عبارة عن 15 حلقة، من سيناريو وحوار مدحت العدل وإخراج مجدي أبو عميرة، ومن بطولة الفنان القدير يحيى الفخرانى وصلاح عبدالله بيشاركهم البطولة جومانا مراد، عنبة، خالد شباط، صفاء الطوخي، هنادي مهنا، سما ابراهيم.
الفرق بين المسلسل والرواية
المسلسل مختلف عن الرواية في التركيز على علاقة الأجداد بالأحفاد، كمان هتلاقي تغيير في أسماء الأبطال ” أحمد” في الرواية بقى اسمه ” بهجت الأنصاري ” وبقى يوتيوبر بيقدم برنامج ” عتبات البهجة” اللي بيتكلم فيه مع المتابعين عن لحظات البهجة في حياتنا، غير بعض التغييرات في الأحداث وحبكة النهاية في المسلسل عن الرواية.
إعلان المسلسل
يمكن الوقوف على عتبات البهجة أفضل من البهجة نفسها، لانك بمجرد وصولك لهدفك بتبدأ تفقد إحساسك بالبهجة وحماسك اتجاها، سواء قرأت الرواية أو لسه هتشوف المسلسل، بوعدك أنك هتقابل معالجة درامية قوية لأحداث مبهجة بتمر علينا يوميًا، بتمنالك قراءة ومشاهدة ممتعة.
فريق iRead كتب المقالة بكل الحب عشان يشجعك على القراءة بانتظام، أنت تستاهل أنك تثقف نفسك وتبسطها، شكراً لأنك وصلت لحد هنا.
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
الرواية حلوة أوي انما المسلسل محبتوش شوية حسيته ممل وكنت أتمنى يتعمله معالجة بشكل أفضل من كد