فوز الكاتبة البريطانية سامانثا هارفي بجائزة البوكر العالمية لسنة 2024

فازت الكاتبة سامانثا هارفي بجائزة البوكر العالمية للقصة القصيرة لسنة 2024 بروايتها القصيرة “أوربيتال” اللي بتتكلم عن 6 رواد فضاء بيراقبوا الأرض من محطة الفضاء،

وحصلت هارفي على 50 ألف جنيه إسترليني قيمة الجائزة وبكده أصبحت أول امرأة بتفوز بالجائزة من 5 سنين، ولما سألت الصحافة سامانثا هتعملي إيه بثمن الجائزة قالتلهم إنها محتاجة تشتري عجلة جديدة وعايزة تسافر اليابان.


وجه في خطاب الفنان والمؤلف إدموند دي ورئيس لجنة تحكيم الجائزة في ليلة إعلان الجائزة يوم التلات ” أجمعنا  بعد يوم مناسب من دراسة القائمة المختصرة المكوّنة من ستة مرشّحين على اختيار “Orbital”، ووصفه بأنه “كتاب عن عالم جريح”

وبدورها قالت سامانثا في خطاب إنها بتهدي جايزتها لـ “كل اللي بيتكلموا لصالح الأرض ومش ضدّها، أو ضدّ كرامة البشر، ولجميع الأشخاص اللي بينادوا لصالح السلام، وبيدعو له وبيعملوا من أجله”.

وأضافت “كدت أن أتخلى عن كتابة “أوربيتال” لأني فكّرت: “ليه ممكن أي شخص يحب يسمع من ست قاعدة في مكتبها وبتكتب عن الفضاء؟، وبتتخيّل وكأنها في الفضاء، في حين أن في ناس كانوا هناك بالفعل؟ فقدت أعصابي بسبب التفكير ده، وافتكرت أني ما أملكش السلطة لكتابة الكتاب ده”.


عن الرواية

على مدار يوم واحد، بتتبع الكاتبة روّاد الفضاء من اليابان وروسيا والولايات المتحدة وبريطانيا وإيطاليا، وهم بيراقبوا كوكبهم الأصلي، وبيحضروا 16 شروق و16 غروب، وبيتطرّقوا لموضوعات الحداد والرغبة وأزمة المناخ.

تم نشر رواية “أوربيتال” في نوفمبر 2023، وأصبحت الكتاب الأكثر مبيعًا في القائمة المختصرة “القصيرة” في الفترة اللي فاتت، وتم بيع 29 ألف نسخة في المملكة المتحدة لسنة 2024.

الكتاب مكون من 136 صفحة، وهو تاني أقصر كتاب بيفوز بالجائزة في تاريخه. وهو أطول بأربع صفحات من كتاب “أوفشور” بقلم بينيلوب فيتزجيرالد، اللي فاز سنة 1979.


لجنة التحكيم

ورأس لجنة تحكيم جائزة البوكر، الفنان والمؤلف إدموند دى واللي انضمت ليه الروائية سارة كولينز؛ ومحررة الخيال فى صحيفة جارديان، جوستين جوردان؛ والكاتب والأستاذ الجامعى الشهير يى يون لى؛ والموسيقى والملحن والمنتج نيتين سواهنى.

وكانت القائمة القصيرة لجائزة البوكر العالمية بتضم:

جيمس بقلم بيرسيفال إيفرت
مداري بقلم سامانثا هارفي
بحيرة الخلق  بقلم راشيل كوشنر
محتجز بقلم آن مايكلز
السر المكنون بقلم ييل فان دير وودن
تأملات في ساحة ستون يارد