أعلن الاستاذ عمرو المعدّاوي الـBooktuber الشهير عبر حسابه الخاص على فايسبوك عن مبادرة تدعم فئة الشباب المبتدئ من المؤلفين.

ففي ظل وصول مراجعات الكتب على اليوتيوب إلى مبالغ مالية هائلة جاء أستاذ عمرو المعداوي ليقلب الموازين تمامًا ويعرض دعمه الحقيقي لهم دون مقابل مادي أو ما شابه.

ونشر هذا الإعلان قائلاً:

” مبروك لأي كاتب شاب نازل له رواية في المعرض، سواء ده أول عمل ليه، أو بيأمل إنه يكون بداية جديدة تعوض كل اللي فات. الحقيقة إن العدد كبير جدا، وفرصة وصول الأعمال الجيدة – رغم اعترافنا بقلتها – بتقل يوم عن التاني وسط الزحمة الكبيرة دي. حتى قنوات الكتب وأنا منهم طبعا بقدم الحاجات الأكثر شهرة اللي يطلع منها حلقة حلوة والناس بتكون مستنياها. لكن العائق الأساسي في تقديم أسامي جديدة هو الوقت المستهلك للوصول لعمل جيد فعلا ويستحق. وما بين شغل وأسرة ودراسة وترفيه، الوقت المتبقي للقناة بيسمح بس للأعمال شبه المضمونة البعيدة عن المخاطرة.
وفي نفس الوقت صعب قنوات الكتب – لوحدها – تتحمل موروث سنين من الإهمال وعدم الدعم لشباب الكتاب. والموضوع أغلبه تحوّل لسبوبة، بداية من دور النشر، لحد المراجعات اللي – للأسف – نزل لها تسعيرة حسب ميعاد نزول الحلقات. فالكاتب الشاب بقى واجب عليه يدفع فلوس علشان ينشر، ويدفع كمان علشان الناس تعرفه وحد يتكلم على روايته!!
دي مبادرة بسيطة مني في قناة الروائي لتوصيل الأعمال الجيدة للقراء والمشاهدين، لو أنت كاتب رواية ادخل على الفورم اللي حتلاقيه تحت وأملأ بيانات الرواية الأساسية، العنوان والنوع وعدد الصفحات، وأهم حاجة الملخص، الكاتب اللي يكون ملخصه جيد غالبا بيوضح بدرجة كبيرة جودة العمل النهائي. حختار بنفسي من المتقدمين علشان أجيب وأقرأ روايتهم واللي أشوفه يستحق حقدمها في حلقات مخصوصة على قناة الروائي بعد المعرض بإذن الله.
لو تعرف حد نازل له رواية وحاسس إن كاتب حاجة كويسة ابعت له الفورم وشجعه، وشير علشان يوصل لأكبر عدد ممكن من الأقلام الجيدة. ”

وهذا من خلال ملئ هذا الملف:

https://forms.gle/qwsU5ongxoKaotCi9

هذا ببساطة ما يهدف له استاذ عمرو من خلال هذه المبادرة الجميلة والداعمة للشباب المبتدئ في مجال الكتابة الإبداعية.

تؤيد منصة iRead مبادرة “دعم روايات الشباب” للـBooktuber الأستاذ عمرو المعدّاوي.

نبيلة عبدالجواد
نبيلة عبدالجواد

كاتبة ومؤلفة مواليد القاهرة نوفمبر١٩٩٩، تدرس إدارة الأعمال وتهوى القراءة والكتابة، بدأت بمدونة صغيرة على الإنترنت، وتعتبر رواية حانة الأقدار أول عمل روائي في مسيرتها الأدبية.

شارك

حمّل التطبيق

تحميل التطبيق

الرئيسية
حسابي
كتب
كُتاب
تحديات
متجر