متلازمة التركيز في الدوشة

عمرك فكرت ليه بتكون مركز قوي وبتطلع أفكار جديدة ومبتكرة أو ممكن تخلص رواية كاملة لما بتكون قاعد في كافيه عن لما تكون قاعد لوحدك أو في مقر الشغل نفسه؟، هل الموضوع مُتعلق بالقهوة والكافيين ولا ليه بُعد نفسي ودراسة سيكولوجية؟، خلينا نكتشف في مقالة النهاردة 

دراسة بحثية عملية 

في دراسة بحثية  لـ” رافي ميهتا” بجامعة إلينوي، عمل تجربة اسمها “اختبار التفكير الإبداعي” على عدد من المشاركين عَرضهم لمستويات مختلفة من الدوشة، وكانت المفاجأة أن المشاركين اللي اتعرضوا لمستوى دوشة زي اللي بتكون في الكافيهات تفوقوا على المجموعة الثانية اللي كانت بتركز على الهدوء!

ميهتا وضح السبب.. ليه المجموعة الأولى اللي اتعرضت للدوشة كانت أكثر ابداع؟، وقال ان دي حاجه اسمها ” التركيز السارح” (Distracted Focus)،  وده لأن خليفة الدوشة في الكافيهات بتشتت عقلك عن التركيز في الواقع المحيط بيك، وده بيزود إحتمالات التفكير الإبداعي، لأنك مش بتركز مع كلام الناس أو حتى تشارك فيه، كمان وضح أن وجودك مع أشخاص مركزين في شغلهم، ده بيحفز رغبتك في إنجاز الشغل اللي عندك بشكل أسرع وأكثر إبداع واللي بيتقال عليه ” تأثير الجمهور” (Audience Effect)

دوشة مزيفة

بس لو حبيت تقرأ أو تشتغل بتركيز ومش حابب تنزل كافية أو مفلس، تعمل إيه؟ فيه مواقع تقدر تسمع منها أصوات شبه اللي بتكون في الكافيهات وتقدر تتحكم في مستوى الصوت والدوشة وصوت صب القهوة والفناجين وكلام الناس، وكمان صوت المطر والشارع لو بتحب تسمعهم، تلاقيهم في الموقعين دول، Rainycafe  و A Soft Murmur

فريق الهدوء 

لكن لو بتحب تركز في الهدوء وأنت في مكان دوشة ممكن تعمل إيه يقلل الدوشة اللي حواليك؟ 

الدوشة لمحبي الهدوء هى سلاح مزجع جدًا ولكن تقدر تسيطر عليه من خلال الحاجات اللي هقولك عليها دلوقتي 

• ممكن تستخدم سماعات تسمع فيها مزيكا هادية، ودى هتفصلك بشكل كبير جدًا من الدوشة.

•  اختار كتاب أو رواية خفيفة تكون مناسبة للمكان اللي هتروحه  مش بتاخد مجهود في التركيز الشديد.

•  القراءة الإلكترونية هتريحك من شيل الكتاب والتقلب في صفحاته، خصوصًا لو هتركب قطر أو مترو أو مواصلات عامة، تقدر تنزل iRead eBooks وتقرأ في كل مكان براحتك وكمان اوف لاين.

• القراءة بالتدرج، بمعنى أنك تقسم وقت القراءة لفترات قصيرة، يعني اقرأ 10 دقائق وخد راحة وبعد كده كمل وهكذا.

في النهاية سيان كان طريقة تركيزك، في دوشة أو هدوء، احنا بنشجعك على القراءة والعمل بإبداع في كل وقت وأي مكان، بتمنالك قراءة ممتعة. متنساش تعمل لايك لو المقال عجبك