بداية رمضان كانت قوية جدًا سواء على المستوى الشخصي والتجمعات العائلية وتحضيرات رمضان من أول الزينة، التدوير على وصفات السلطات ، إختراعات الكنافة الجديدة ، خناقة كل سنة سمبوسة ولا سمبوسك، اختيار المسلسل اللذيذ والبرنامج المفيد، ولكن على المستوى الفنى والدارمي لاحظنا تطور كبير في الأفكار المطروحة وطريقة التصوير والكتابة والإخراج عشان كده عملنالكم الملخص ده
مع بداية الحلقات الأولى من المسلسلات الرمضانية بنبدأ نبنى عليه رؤية واضحة عن المسلسل و ناخد القرار هنكمله للآخر ولا لا
مسلسل عتبات البهجة المستوحى من رواية ” عتبات البهجة” للكاتب إبراهيم عبد المجيد، خيب ظن كثير من المتحمسين ليه، وده لأن البهجة كانت في أول 3 دقائق من عرض المسلسل بعد كده بدأت تظهر المشاكل و الأقساط والديون اللي على بجهت الأنصاري، بس ياترى في الأسبوع الثاني من رمضان البهجة هتدخل حياة بهجت الأنصاري ولا لا؟
مفيش شك أن مسلسل الحشاشين بدأ بداية قوية جدًا من حيث التمثيل والإخراج وتسلسل الأحداث ولكن النقطة اللي أثارت جدل بين المشاهدين هى ” اللغة العامية المصرية” في حوار المسلسل، البعض انتقدها وقال ان مينفعش مسلسل بيتكلم عن حقبة معينة في التاريخ يكون باللغة العامية، والبعض الاخر قال ان اللهجة المصرية لغة سهلة وسلسلة وكل العالم العربي بيفهمها ومش بالضرورة عشان عمل تاريخي يكون باللغة العربية الفصحى، أنت أيه رأيك مع ولا ضد استخدام اللهجة العامية المصرية في المسلسلات التاريخية؟
مسلسل إمبراطورية ميم شد الجمهور مع بداية أولى حلقاته واللي بيميز عيله مختار هو إختلاف شخصيات أولاده ولكن اللي كانت مفاجأة العمل هى الجميلة نشوى مصطفى في شخصية “مديحة” أخت مختار، خفة دمها وطريقة تمثيلها السلسلة هتحببك في المسلسل أكثر، وعودة حميدة للدراما المصرية.
ليك خصم 25% على كل الاشتراكات وشهر ببلاش تهديه لحد بتحبه لما تستخدم كود RMDN24
مسلسل أعلى نسبة مشاهدة تصدر الترند في بداية رمضان لأنه فاجئ المشاهدين من حيث طاقم العمل والتمثيل من الفنانين كلهم، كل شخصية مدروسة صح بداية من انتصار وهى أم لثلاث بنات والأخوات نفسهم هما شيماء ونسمة وأمينة، ويعتبر سر إنجذاب المشاهدين للمسلسل هو واقعيته في كثير من تفاصيل الحياة اليومية اللي بنشوفها على السوشيال ميديا.
تعتبر لافتة جميلة وفيها دقة من صناع العمل، في ظهور صور للفنان الراحل مصطفى درويش ومشهد من أجمل مشاهد المسلسل للفنان عمرو سلامة أمام قبر بأسم شخصية مصطفى درويش في المسلسل ” عمر فاروق الدسوقي”
يعتبر من أكثر المسلسلات اللي اخدت شهرة واسعة من بداية رمضان، بسبب الهارموني اللي موجودة بين الممثلين وضيوف الحلقات مميزين من بداية الحلقات الأولى مع النجمة انتصار والنجمة إيمان السيد.
سباق إعلانات رمضان لايقل أهمية السباق الدرامي، لأن من نجاح أى إعلان هو الفكرة والرسالة اللي بيوصلها، ومن الإعلانات اللي أخدت شهرة واسعة في الأسبوع الأول من رمضان هي:
إعلان هايد بارك حكاياتنا حلوة ” أحمد عاصم و ركين سعد” والأغنية من غناء ” عمرو دياب”
إعلان وي دايمًا على بالي “هند صبري – خالد النبوي ” والأغنية من غناء إليسا
إعلان أورنج أصلنا واحد .. طبعنا غالب “أحمد عز” والأغنية من غناء حسين الجسمي
إعلان البوادي ” أغنية معاك بطير” أحمد عيد
الكنافة من الحلويات الشرقية المشهورة في مصر واللي تعتبر أساسية خصوصًا في شهر رمضان، ولكن في الفترة الأخيرة بدأت تظهر اختراعات مختلفة للكنافة منها المكسوفة والمكشوفة والأهرامات والتمورة وكل كوم وصوابع جيجي كوم تاني، قولنا جربت ايه فيهم؟
ده كان ملخص لأهم الاحداث والمواقف اللي حصلت في أول أسبوع فى رمضان، هنستناك تشارك المقال وتقولنا ايه الحاجات اللي حصلت معاك في أول أسبوع
دلوقتي تقدر تقرأ أحدث المقالات على iRead eBooks
فريق iRead كتب المقالة بكل الحب عشان يشجعك على القراءة بانتظام، أنت تستاهل أنك تثقف نفسك وتبسطها، شكراً لأنك وصلت لحد هنا.