ملخص الحلقة الأخيرة مع الكاتب حسن الجندي من iRead بودكاست الموسم الأول
كام مرة حسيت إن في حد بيحرك حاجة في الدور اللي فوق؟ أكيد كتير!
تعرف إنك مش لوحدك؟ وإن معظم الناس بيحصل معاها نفس الشئ؟ ولكن السؤال الأهم من كل ده، هو إيه الشئ ده؟….
حسن الجندي أستغل كل الظواهر الغريبة اللي بتحصله واللي بيحكيها الناس عشان يطلعلنا روايات قايمة على “أدب الرعب” وعرف يوصل ده بكل إحاسيس الخوف اللي جواه، واللي بالمناسبة أعترفلنا بيها بكل صراحة.
شكل الحلقة
الحلقة باسم “النداهة”، وبتدور في إطار حواري مابين ضيوفنا الاتنين، كاتب الرعب الشهير “حسن الجندي” والكاتبة الشابة “نبيلة عبدالجواد”.
محتوى الحلقة
أسطورة النداهة سمعناها كتيير من أهلنا والكتب وكمان الأعمال الدرامية.. ولكن إيه هو اعتقاد الكاتب حسن الجندي الشخصي؟ وإيه القصص اللي حصلت شبيها ليها يحكلنا عليها؟ ده اللي هنعرفه في الحلقة وهيكلمنا عنها بإستفاضة مع الكاتبة نبيلة عبدالجواد اللي بدورها هتحكيلنا عن تجربتها في نزول المقابر وإيه اللي شافته هناك.
اسمع الحكاية من أولها لآخرها من على iRead eBooks
ترشيحات كتب اتقالت في الحلقة
الإلهام بيجي من كل الأشياء اللي حوالينا أولهم الكتب والأفلام، وبالحديث عن الكتب طلبنا من الكاتب حسن الجندي يرشحلنا كُتب كانت جزء من إلهامه وديه كانت ترشيحاته:
– Pines: Wayward pines- Blake Crouch
– Dark Matter- Blake Crouch
وكمان رشحلنا أفلام رعب عجبته:
– Mama
The Village –
لو عايز تسمع باقي الحلقات تقدر تسمعها مجاناً على iRead eBooks،
الخطوات:
– نزل الأبلكيشن من هنا
– أعمل حساب خاص بيك
– اسمع الحلقات مجاناً
اقتباس من الحلقة
” لازم الواحد يخاف، الخوف ده شئ جميل”
الكاتب حسن الجندي بيأكدلنا إن إحساس الخوف على قد ما هو شئ مش مُريح للإنسان إلا إنه بيفكره دايماً إنه إنسان بيحس وبيقلق والخوف ممكن يكون شئ إيجابي يقدر يكون بسببه حريص أكتر على نفسه، وفي ناس بيحولوها لشئ ممتع زي ما عمل الكاتب حسن الجندي وحول خوفه لروايات مثيرة سببت شهرة عالية في آخر 17 سنة.
كانت حلقة مليانة حكايات وقصص حقيقية تخوف بس ممتعة في نفس الوقت وفيها تشويق وغموض، لو عجبتك آخر حلقة من الموسم الأول من iRead Podcast متنساش تسيب تعليقك.
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
