لما السينما تفتح لأحمد مراد أبوابها هيحجز أول كرسي في أول صف قدام الشاشة على طول!
كلنا بنحب السينما وشغوفين بيها بس السؤال هنا، إيه اللي بيحصل ورا الكواليس؟! في الحلقة ديه من iRead Podcast الموسم الأول
بيحكيلنا الكاتب والسيناريست أحمد مُراد على كواليس صناعة الفيلم بتم إزاي وبيكلمنا عن آرائه الجريئة في مواضيع مختلفة.
شكل الحلقة الحلقة باسم “إيما وسيما” جزء أول وتاني، وبتدور في إطار حواري مابين ضيوفنا الاتنين، الكاتب والروائي والسيناريست والغني عن التعريف “أحمد مراد” والشابة المؤثرة وصانعة المحتوى “إيمان يحي”.
محتوى الحلقة السينما بالنسبالنا حياة..بتدخل في قلب الأحداث وتنفعل معاها وتتأثر بالشخصيات، بتعيش جواها ساعات بتفصلك عن هموم الدنيا ودوشة الواقع ورتابة الروتين، وده اللي أحمد مُراد بيكلمنا عنه بإستفاضة ويشرحلنا مراحل صناعة السينما من أول الفكرة والكتابة للتنفيذ والإخراج وترتيبات الممثلين للدور وحكاياته مع المخرج العبقري مروان حامد في إنتاج فيلم الفيل الأزرق، تراب الماس، الأصليين وكيره والجن.
اسمع الحكاية من أولها لآخرها من هنا:
ترشيحات كتب اتقالت في الحلقة
ورا النجاح دايماً بيكون وراه إلهام والإلهام بيجي من كل الأشياء اللي حوالينا أولهم الكتب، وبالحديث عن الكتب طلبنا من الكاتب أحمد مُراد يرشحلنا كُتب كانت جزء من إلهامه وديه كانت ترشيحاته:
– قلق السعي إلى المكانة – آلان دو بوتون
– فتوة العطوف – نجيب محفوظ
– القصة – روبرت ماكي
– Civilizations – Niall Ferguson
لو عجبتك الحلقة سيب تعليق واستنى الحلقة الجديدة من iRead Podcast الموسم الأول.