منصة Watch it تعلن عن مسلسل بالطو عبر برج خليفة بالإمارات قبل أيام قليلة من عرضه

نشر الكاتب أحمد عاطف عبر حسابه الشخصي على وسائل التواصل الاجتماعي فايسبوك فيديو لإعلان برج خليفة بالإمارات عن مسلسل بالطو.

وهو أول أعماله الدرامية والمنتظر عرضه خلال أيام قليلة على منصة watch it.

بدأ تصويره في صيف 2022 وسيعرض ضمن أعمال watch it الأصلية في شهر نوفمبر المقبل.

المسلسل من بطولة محمود البزاوي، عارفة عبد الرسول، محمد حافظ، محمد رضوان، ومحمد محمود، تأليف أحمد عاطف ومن إخراج عمر المهندس.

وكتب أحمد عاطف مُعلقًا على المقطع:

“أنا آسف إنى ببلغكم دلوقتى إن برج خليفة أعلن عن مسلسل بالطو قبل ما أعلن أنا عنه وأعرفكوا .. بس ده برج كبير بقى مش هنقدر نغلّطه ف حاجة”

وتابع: “مسلسل بالطو .. قريباً على watchit
– عن رواية ” بالطو وفانلة وتاب ”
– قصة وسيناريو وحوار : أحمد عاطف ( اللى هو أنا )
– إخراج : أ / عمر المهندس
– بطولة مين بقى و باقى التفاصيل دى خلوها مفاجأة فى وقتها قريب إن شاء الله ( أو أبقوا اسألوا البرج )”

عن الكتاب:

بعد انتهاء فترة الامتياز «سنة التدريب اللى قبل التخرج علطول»، وبعد قضائى أجمل الأيام بها … جاء وقت التخرج … الوقت اللى طلبة طب كلها بتستناه… والتخرج يعنى حفلة التخرج .. وحفلة التخرج أنا محضرتهاش الصراحة.. مش عشان أنا كنت مقتنع إن مفيش حاجة اسمها تخرج لطالب كلية طب.. وإن طريق الطب طويل ومابينتهيش بحفلة بيكسروا فيها قلل وبيتصورا فيها صور تذكارية .. لا إطلاقًا مش عشان كدا.. ولكن عشان كل حفلات التخرج فى الكليات الباقية كانوا بيجيبوا جنات.. إليسا.. رامى صبرى، إنما كليتنا العريقة لما فكرت تجيب حد فـ حفل تخرجنا راحت جايبة نائب محافظ الغربية! اللى هو نهار إسود يعنى ..!