ميرنا الهلباوي تكتب عن أول ندوة لها في مملكة البحرين.

ونشرت ذلك عبر وسائل التواصل الاجتماعي معبرة عن سعادتها بهذه الندوة قائلة:

النهاردة كانت أول ندوة دولية ليا ككاتبة.. في مملكة البحرين في مركز الشيخ إبراهيم بن محمد آل خليفة جزء من اللي بدأت به كلامي مالقتش أحسن منه أكتبه في بوست:

“لما جيت المكان هنا أول مرة أول إمبارح.. فضل سؤال يتردد في دماغي.. ليه أنا هنا؟ روّحت الفندق بعد الجولة وشربت قهوتي وبرضه ماتوصلتش لإجابة! وانا ماتعوّدتش مايبقاش فيه إجابات.. لما بدأت أكتب مكنتش بكتب عشان أنشر كتاباتي.. كنت بكتب عشان كنت بطلع كل الفوضى اللي جوايا وكل مرة اتجرحت واتكسرت فيها على ورق في كلمات وجمل جنب بعض على أمل تحل كل الأفكار وتصلح اللي اتكسر..

لما بدأت أنشر كتاباتي مكنش في دماغي أبقى الأكثر مبيعًا لسنين.. ومكنتش أتخيل إن كتاباتي توصلني هنا.. أنا عرفت أنا هنا ليه.. عشان كنت صادقة جدًا في كل كلمة كتبتها وكل إحساس حسيت بيه بغض النظر عن الإحساس ده هيزعل مين أو هيضايق مين.. كنت بكتب عشان بحب الكتابة ومن حب الكتابة قدرت أحب نفسي.. وكل ما كنت صادقة مع نفسي أكتر كل ما بقيت بعبر أحسن اكتشفت إني كنت بعبّر عن ناس تانية غيري كتير قروا لي واتأثروا باللي كتبته..

إرنست هيمنجواي لما قالوا له يقول نصيحة للكتّاب قال (أنصحهم يكتبوا عن أكثر ما يؤلمهم بمنتهى الصدق والعنف).. ليه عنوان ندوتي (الفشل هو طريق النجاح) مش عشان أقول كلام كليشيه عن قصة نجاح بدأت من جراج تحت الصفر.. لكن عشان كل مرة فشلت فيها واتجرحت فيها كتبت عنها بمنتهى الصدق وبكل عنف وهي اللي في الآخر وصلتني أبقى هنا..”

شكرًا لمركز الشيخ إبراهيم بن محمد آل خليفة على دعوته.
شكرًا لمعالي الشيخة مي بنت محمد آل خليفة.
شكرًا للأستاذة أزميرالدا مديرة العلاقات العامة لمركز الشيخ إبراهيم.
شكرًا لسيادة سفير مصر بمملكة البحرين ياسر شعبان على استقباله وحضوره.
شكرًا لأستاذ حسن كامل صوت البحرين والأب الروحي للإذاعة البحرينية على حضوره.
شكرًا لكل الحضور اللي حضروا.
شكرًا لنفسي إني ماخُفتش وجيت البحرين.

لينك الندوة:
https://youtu.be/sM4oNUjyWck

نبيلة عبدالجواد
نبيلة عبدالجواد

كاتبة ومؤلفة مواليد القاهرة نوفمبر١٩٩٩، تدرس إدارة الأعمال وتهوى القراءة والكتابة، بدأت بمدونة صغيرة على الإنترنت، وتعتبر رواية حانة الأقدار أول عمل روائي في مسيرتها الأدبية.

شارك

حمّل التطبيق

تحميل التطبيق

الرئيسية
حسابي
كتب
كُتاب
متجر