إنت مش أنت… ولا المجتمع هو اللي خلاك كده؟
هل سألت نفسك قبل كده ليه الإنسان بيختار يلبس قناع غير شخصيته بالرغم من وعيه الكامل بذاته؟، بيلبس قناع يشبه شخصيته الحقيقة، بيخليه يتعايش مع مجتمع مش بيتقبل الإختلاف ولا أي حاجه غير مألوفه، وده يخلينا نسأل سؤال مهم، هل الإنسان اللي بيعمل كده عنده حاجه للشعور بالقبول ولا ده نوع من أنواع الذكاء الإجتماعي؟
لو جينا ندخل في أعماق النفس الإنسانية هنلاقيها مليانه صراعات صامته، بين الرغبة في الإندماج والحاجه للإحتفاظ بالجوهر، وده اللي بيخليهم يلبسوا أقنعة، بتظهر اللي المجتمع عايزه، وبتخفي اللي المجتمع مش حابه، وده بيخلي فيه تداخل بين الرغبة في الإنتماء وحماية الذات، والخوف من الرفض والحكم السلبي، وهنا القناع مش بس بيبقى وسيلة دفاعية ولكن وسيلة للبقاء على قيد الحياة وسط المتجمع.
بليل قبل ما تنام في لحظة صدق مع النفس، هتسأل نفسك سؤال، ليه مطلوب مني ألبس قناع وليه الناس مش بتتقبل اختلافي؟، ببساطة لأنك شايفهم هما الفئة الطاغية، من حيث العدد أو التأثير الإجتماعي، أو الصوت الأعلى في المجتمع، الناس بتخاف من الحاجه اللي متعرفهاش، بيحسوا بالتهديد، لو اتكلمت عن فكره أو اعتقاد مختلف عن اللي هما متعودين عليه، هيتولد التعصب بدل الفهم، والمجاملة بدل الحوار الصادق، وهيبقى الصمت والإختفاء وراء الأقنعة وسيلة حماية.
ولكن الذكاء الحقيقي يكمن في الصدق مع الذات أولًا قبل الناس، واختيار اللحظة المناسبة للتعبير عن اعتقاداتك وأفكارك، مش خوف من الرفض ولكن حفاظًا على طاقتك.
في النهاية القناع الإجتماعي مش غاية ولكن وسيلة، والسلاح الحقيقي للإنسان هو وعيه بنفسه، وإدراكه للحظة التعبير المناسبة.
اقرأ مقالات أكتر على iRead eBooks
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
