روايات قبل زحمة الصيف

الصيف يعني بحر ورملة وكتاب خفيف.. لطيف يونسك قدام البحر، وياسلام لو فيه عصير بطيخ مّشبر، يلا حضر شنطة سفرك وخلي معاك الكتب اللي هقولك عليها هنا ومتقلقش لو مفيش مكان معاك في الشنطة هقولك على كتب من iRead eBooks يلا نبدأ 

روايات صيفية تقرأها من موبايلك في السفر

رباعية بحري ” أبو العباس – ياقوت العرش – على تمراز – البوصيري” 

رباعية بحري للكاتب محمد جبريل بيحكلنا فيها عن أبعاد الحياة في الإسكندرية، الرباعية بتضم ” أبو العباس ، وياقوت العرش والبوصيري وعلي تمراز” ودول أسماء الأولياء الأربعة واللي مساجدهم من أهم معالم بحري في الإسكندرية، أحداث الروايات بتبدأ مع نهاية الحرب العالمية الثانية ولحد بداية الخمسينات، بناء الروايات على الأحداث والأماكن، بانوراما من الشخصيات المختلفة من الصيادين والموظفين والعمال، كمان هتلاقي نزعة صوفية اللي بيتميز بيها أولياء الله الصالحين، الرباعية عبارة عن تعشيقة لكل اللي بيحبوا السفر بشكل عام والإسكندرية بشكل خاص.  نزل الأبلكيشن من هنا

عن العشق والسفر 

الكاتبة نهى عودة هتاخدك في رحلة لإيطاليا ، سيريلانكا والأردن، هتزور الأماكن السياحية والأثرية في كل بلد، الكتاب من من ضمن أدب الرحلات ومقسوم لخطين متوازيين أول خط قصة الحب بينها وبين شريك حياتها والخط الثاني قصص البلاد اللي بيزروها سوا، هتقولك على معلومات جديدة ومسلية زي قصة شاي ليبتون وازاى بدأ وثقافة الشراكسة في الأردن وغيرها من الحكايات.  نزل الأبلكيشن من هنا

رحلاتى مع أوبر “22 دولة حول العالم” 

الكتاب فادي زويل هياخدك في رحلة إلى 22 دولة مع أوبر، في كتاب لطيف بيتكلم عن حكايات الراوي مع أوبر في مدن العالم المختلفة، كمان بيسلط الضوء على الفروقات بين المجتمعات المختلفة ومميزاتها وعيوبها من غير تعمق، طريقة السرد سهلة ولغة الحوار عامية مع فصحى.  نزل الأبلكيشن من هنا

مذكرات نشال

الكاتب أيمن عثمان جمع مذكرات المعلم عبد العزيز النص كلها فى كتاب واحد “مذكرات نشال”، الكتاب اللي بيتكلم عن مغامرات النُص فى النشل و الفلوس اللي سرقها، مين أساتذته فى المهنة وازاى بدأها وتوبته، النشل عالم كبير ليه قانون ونقابة وقاموس لغوي وأصول، الكاتب وضحها بطريقة سرد خفيفة وبسيطة وكوميدية، كمان الكتاب بيضم بعض الأخبار عن النشل والنشالين من المجالات القديمة.  نزل الأبلكيشن من هنا

سرايا مصر الجديدة 

رواية اجتماعية برشة سياسية للكاتب حسام صابر مرسي، طريقة السرد ولغة الحوار بالفصحى المباشر والفصول قصيرة مش طويلة وده هيسهل عليك قرأتها بسرعة، الرواية مزيج من الأحداث الخيالية وحقيقية عن الفساد والسلطة والنفوذ وازاى القوانين بتتفصل عشان ترضي البعض.  نزل الأبلكيشن من هنا

لو معاك مكان في شنطة المصيف فلازم الروايات دي تكون معاك 

بنسيون عجب هانم

الكاتبة منى سلامة هترجعك بالزمن لاشهر زلزال حصل في مصر زلزال 1992، في بنسيون صغير بتتجمع كل شخصيات الرواية المختلفة مع سلسلة من الأحداث المبهرة مع حبكة ونهاية هتصدمك. اطلبه من هنا 

أوراق حلاق 

الحكايات في حي الحلمية مش بتخلص وزي ما بيقول المثل ” اللي يعيش ياما يشوف، واللي يلف يشوف أكتر” ودكان الحلاقة مليان بحكاوي الشباب والصبا والغرائز والموت والتدخين والشيشة والحب والندالة، بقلم هشام عيد اللي كتباها في كتاب واحد “أوراق حلاق” اللي من خلال مذكراته هتحس بوجع سامح ابن الفاكهاني وجدعنة عم محمود النجار وغرور ناجي جلال قبل ما ينتحر، وهتعرف أشقيا الحارة التلاتة وهتحس أنك بتشم ريحة الشيخ عماد عفت الطيبة. اطلبه من هنا

تذكرة وحيدة للقاهرة

الكاتب أشرف العشماوي، بيحكلنا قصة “دهب” واحد من أهل النوبة اضطر للسفر لأسوان عشان يكمل تعليمه بعد ما مدرسته غرفت عشان يتخرج ويسافر القاهرة،  وهنا هتبدأ رحلته في اللف على أكل عيشه على امل انه يلاقي وظيفة تناسب شهادته، ولكن لا تأتي الرياح كما تشتهي السفن، حياته بتتقلب بسبب تهجير النوبيين عن أرضهم فيبدأ رحلة جديدة مع القدر عشان يلاقي “مسكة” زوجته وإبنه.  اطلبه من هنا

عنده ضيوف

الكاتب عمر طاهر جمع 15 مقال عبارة عن قصص قصيرة مليانة حكايات من القلب، متنوعة بين الحنين والموسيقي ولعب الكورة وفيروز ووردة والجيلي والهيبة وخيبة الأمل ولحظات الشجن، مستحيل تقرأ الكتاب ده ومتحبوش، الحب هنا غير قابل للتفاوض.  اطلبه من هنا

عند مدام عفت 

الكاتب تامر أحمد يقدم “‘عند مدام عفت” 3 حكايات بتبدأ وتنهتي عند مدام عفت اللي شعارها الوحيد “فوت علينا بكره”، الكتاب بيجسد واقع المؤسسات الحكومية بطريقة هزلية اطلبه من هنا

كده يبقى وصلنا ل 10 روايات تقدر تقرأها في أجازة الصيف قبل الزحمة، هستناك تقولي في التعليقات بدأت بأي رواية فيهم 

فريق iRead كتب المقالة بكل الحب عشان يشجعك على القراءة بانتظام، أنت تستاهل أنك تثقف نفسك وتبسطها، شكراً لأنك وصلت لحد هنا.