كتب قصيرة لو مش قادر تركز

أوقات كتير بتبقى عايز تقرأ لكن أول لما تفتح الكتاب، تحس ان تركيزك اتشتت، تبدأ تمسك شتات تركيزك وتقرأ أول كام صفحة، وبعدها تمسك الموبايل، وترجع تاني تقرأ من الكتاب وتفضل تعيد نفس السطر اكتر من مرة عشان تركز 

فلو ده حالك فممكن يكون الحل مش انك تبطل قراءة ولكن انك تختار كتب أو روايات قصيرة ترجع ليك عادة القراءة من غير ما تحس ان المشوار طويل ومحتاج تعيد الصفحة اكتر من مرة، عشان كده جمعتلك مجموعة من الكتب القصيرة، مختلفة في موضوعاتها عشان تشوف ايه الحاجه اللي انت مشدود ليها وتقرأها، يلا بينا نبدأ 

قصاصات مسافر

لو نفسك تسافر وأنت قاعد مكانك، فـ “قصاصات مسافر” ممكن يكون اختيار مناسب جدًا.

الكتاب بياخدك في رحلة بين مدن وثقافات مختلفة، لكن من خلال التفاصيل الصغيرة اللي ممكن يعدي عليها اي شخص بيسافر من غير ما ياخد باله منها، زي الحواري ، الأسواق، وشوش الناس، والمواقف العابرة اللي بتفضل في الذاكرة . اقرأ الكتاب من هنا

حكايات مصرية جدًا

لو بتحب الحكايات اللي شبه الناس والشارع والحياة اليومية، فـ “حكايات مصرية جدًا” هتكون اختيار مختلف.

الكتاب بيقدم مجموعة من القصص والمواقف المرتبطة بالمجتمع المصري، لكنه مش مجرد حكايات للترفيه؛ فيها كمان نظرة وتأمل في العلاقات والمواقف والقضايا الاجتماعية. اقرأ الكتاب من هنا

قصص شاهقة جدًا

من أغرب الأفكار الموجودة في القائمة.

في “قصص شاهقة جدًا” تبدأ الحكاية برجل صغير جدًا، لدرجة إن طوله لا يتجاوز عقلة إصبع، ويكتشف أن قدرته على الحكي بتكبر مع الوقت ومع كل قصة ييحكيها، ييكبر،  لحد ما يبدأ يحلم إنه يبني من قصصه مبنى كبير وطويل بيخليه من أطول المباني اللي في المدينة. اقرأ الكتاب من هنا

رنين هاتف لا يسمعه أبي

تسع قصص قصيرة هتاخدك لعالم الستات بداية من الطفولة إلى المراهقة ثم adulthood، وبتدور في الجروح والآلام اللي ممكن تفضل ممتدة مع الإنسان طول عمره

“رنين هاتف لا يسمعه أبي” مش من الكتب اللي بتعتمد على التشويق السريع أو الأحداث الكثيرة، لكنه بيعتمد أكثر على الإحساس والتأمل، كل قصة بتفتح باب على تجربة أو جرح مختلف، ومع كل حكاية بتكتشف جانب جديد من عالم الشخصيات. اقرأ الكتاب من هنا

الدرك الأسفل من البار

“الدرك الأسفل من البار” ييقدم حكاية فيها مفارقة واضحة: بدل ما بتدور على  إبرة في كومة قش،  بقى لازم تدور على قشة في كومة إبر.

الفكرة من البداية بتوعدك بحكاية مختلفة، وفيها قدر من السخرية والعبث، وده يخلي الكتاب مناسبًا للي عايز قراءة قصيرة وخفيفة بدل ما يدخل في رواية طويلة تحتاج تركيز مستمر. اقرأ الكتار من هنا

حفلة الست

لو بتحب أم كلثوم والقاهرة القديمة، فـ “حفلة الست” هتأخذك مباشرة إلى ليلة من ليالي القاهرة في مارس 1970.

من أول المشهد، وإنت واقف قدام دار سينما قصر النيل في انتظار لحظة ظهور أم كلثوم على المسرح،عشان تفضل تفكر في سؤال: “ماذا لو؟”

الكتاب هنا بيرجعك بأجواء حفلة لأم كلثوم، وبيعيد بناء اللحظة من خلال التفاصيل والمشاعر والجو اللي حواليها في يوم واحد. اقرأ الكتاب من هنا

كوميديا على الهامش

ثلاث مسرحيات بروح كوميدية ناقدة، تقترب من الحياة اليومية والطبقات الموجودة على هامش المجتمع، ويتقدم شخصيات تعيش على الحافة ويتحاول تلاقي لنفسها مساحة وسط ظروفها.

اختيار المسرحيات هنا تحديدًا مناسب جدًا لو هدفك إنك ترجع تقرأ وأنت مش قادر تركز؛ لأن المسرحيات من الأشكال الأدبية اللي ممكن تتقرأ على جلسات قصيرة، والحوار نفسه بيخلي القراءة أكثر حركة من السرد الطويل. اقرا الكتاب من هنا 

في النهاية مش لازم كل مرة تقرر تقرأ فيها تبدأ  برواية  400 صفحة أوقات كتير الكتب القصيرة يتكون هي الاختيار الأذكى، خصوصًا لو تركيزك قليل أو بتحاول ترجع للقراءة بعد فترة انقطاع.