كتب هتساعدك تفهم نفسك
أوقات كتير بتحس إنك مش عارف تفسر مشاعرك أو بتلاقي نفسك فجأة بتكرر تصرفات معينة رغم انك مش عايزها اصلا، فبتدخل حرب مع نفسك وبيكون كل اللي محتاجه هو انك تفهم انت فين وليه حالتك النفسية مش مستقرة بقالها فترة
عشان كده جمعتلك أفضل الكتب النفسية اللي هتساعدك تفهم نفسك اكتر وتتعرف على جوانب مختلفة جواك:
رسائل نفسية
لو بتدور على كلام يساعدك تفهم مشاعرك وتتعامل مع الصعوبات النفسية والعاطفية اللي بتمر بيها، الكتاب ده بيقدم مجموعة من الرسائل والنصائح اللي هتشجعك على التأمل في نفسك وتحاول تفهم اللي بتمر بيه والأهم انك تتعامل معاه بوعي. – دوس هنا واقرأ الكتاب
تروما
الكتاب ده هيكلمك عن الصدمات النفسية وآثارها، وهيساعدك تفهم تأثيرها على حياتك، وتتعرف على طرق ممكن تدعم رحلتك في التعافي. – دوس هنا واقرأ الكتاب
عقل يحترق
الكتاب بيكلمك عن الوسواس القهري والأفكار المتطفلة اللي ممكن تسببلك خوف وقلق ، هتقدر تفهم اكتر طبيعة الأفكار دي وتجارب أشخاص مروا بيها، و تفرق بين الفكرة اللي بتعدي على دماغك وبين حقيقتك كشخص، وتفهم إزاي تتعامل معاها بشكل أفضل، سواء كنت بتعاني من الوسواس القهري أو بتحاول تفهم تجربة شخص قريب منك. – دوس هنا واقرأ الكتاب
اليوم سأبدأ
الكتاب بيتكلم عن مجموعة من الأفكار والخطوات العملية اللي هتشجعك على تجاوز الكسل وتقوم من جديد، وازاي تتعامل مع تعثرات الحياة باعتبارها فرصة للمحاولة مرة تانية. – دوس هنا واقرأ الكتاب
في النهاية مش لازم تلاقي جواب لكل سؤال جواك، لكن ممكن تساعد نفسك وتفهم مشاعرك وردود افعالك بشكل اوضح، عشان كده اختار الكتاب اللي يساعدك ويكون رفيق رحلتك للتعافي.
on بين الأطلالرواية مشوقة وعصية عن الإنكسار بإمتياز" اخذتنا إلى…
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع
