10 روايات الأكثر قراءة في النصف الأول من 2024

قراءة الروايات والكتب بتدينا فرصة عشان نتخيل ونعيش ألف حياة وحياة، وسريعًا عدى أول 6 شهور من سنة 2024 لدرجة أني تفاجأت وانا بكتب المقالة، ولكن بالرغم من أن المقالة نازلة في شهر أغسطس فخليني اخدك في رحلة بين أرفف القراء ونشوف ايه اللي عجبهم في ال7 شهور اللي فاتو 

خلينا نبدأ بالكتب الورقية اللي عجبت معظم قراء iRead في النصف الأول من 2024 

أبو الهول

للمرة الثانية يتصدر المصور الفوتوغرافي والخبير الجنائي “سليمان أفندي السيوفي” رواية أبو الهول للكاتب أحمد مراد، بيحكي فيها يوميات مصور الموتى والخبير الجنائي سليمان جابر السيوفي، الرواية فانتازيا سيريالية يتلاشى فيها الحد الفاصل بين الواقع والخيال، هتكون في حيرة هل الأحداث دي حصلت فعلاً ولا من خيال سليمان، الكاتب وضح المصطلحات التاريخية لمصر الخديوية ونظريات الماسونية والمتنورين، بطريقة سرد تشدك برشة كوميديا زودت الرواية لذاذة. اطلبها من هنا 

الديبو

حليم طفل غير عادي، من اول ما اتولد وفيه كائن أحمر غريب ملازمة، على طول بيبص عليه من غير ما يمل، مش بياكل ومش بينام، الحياة اخدت من حليم أكثر ما ادته، دوقته من مرها في قسوة ابوه عليه، وده اللي خلى حليم يسيب بيت والده ويعيش مع جده عشان تبدأ حكايته، الكاتب محمد مأمون قدملنا رواية شيقة ومثير للاهتمام عشان كده كانت من ضمن الروايات الأكثر قراءة لجمهور iRead خلال أول 7 شهور في السنة.  اطلبها من هنا 

مواليد حديقة الحيوان

المزيد من إبداع الكاتب أشرف العشماوي يتجسد في رواية مؤلمة “مواليد حديقة الحيوان”، عن 3 حكايات لأشخاص مختلفين تعرضوا للظلم، ببناء سريدي بيخلط الواقع بالامعقول ييكششف سخرية القدر والحياة بين أحلام الأبطال وواقعهم المؤلم، عشان يسيبك في نهاية الرواية تسأل نفسك ” هل الإنسان مسير بين واقع بيفرض قواعده وسطوته عليه ولا مخير بين قراراته اللي عواقبها ممكن تكون كارثية؟”.  اطلبها من هنا 

2070 حرب الزانون

في سنة 2070 البشرية هتتقسم لطائفتين، واحدة المميزة جنينا واسم المجتمع بتاعهم “الجنة” وهنا بتسقط عنك كل الالتزامات والمسؤوليات وتستمع بشباب دائم ونعيم لاينتهي، كل اللي تتمناه هتلاقيه ومش مضطر تتعامل مع ناس بره ينغصوا عليك حياتك ويجبولك اكتئاب، الكاتب فادي زويل بيكلمنا عن قصة الصراع في المستقبل بين مجموعتين من البشر، عشان تكتشف اكتر عن عقل الإنسان وتركيبته الهشة في تقبل الاختلاف والتعايش معاه.  اطلبها من هنا 

أوراق شمعون المصري

الكاتب أسامة عبدالرؤوف هيحكلنا قصة شمعون المصري اللي اخد معاه في رحلة هربه من فرعون وجنوده أوراقه وأقلامه عشان يدون كل اللي بيحصل من أول ما خرج من مصر وهو طفل صغير، وازاى تنقل من بلد لبلد عشان يوصل للأرض المقدسة، ولكن اللى حصل ان نبي الله موسى توفي في التيه قبل دخول الأرض المقدسة، فى نهاية الرحلة شمعون فهم ان اى ارض مفيهاش حروب وشر هي أرض مقدسة. اطلبها من هنا 

دماء على السجادة الحمراء

بتبدأ الرواية في حفلة ختام مهرجان سينمائي، بتحصل جريمة قتل لأحد أشهر المنتجين، التحقيقات بتتم مع مجموعة من الأشخاص اللي كانوا مع المنتج أثناء الحفل، وكل واحد فيهم ممكن يكون عنده دافع للقتل ولا يمكن المنتج قتل نفسه في مشهد درامي؟ بقلم الكاتبة نهى داوود. اطلبها من هنا 

أما جمهور الكتب الالكترونية فقرأوا المجموعة دي على iRead eBooks

مقامرة على شرف الليدي “ميتسي”

رواية مقامرة على شرف الليدي ميتسي للكاتب أحمد المرسي، هتاخدك في رحلة لعشرينات القرن الماضي، ولكن لقاهرة مختلفة، ملحمة تاريخية اجتماعية عن حياة المصريين بين الفقر والغنا، الكاتب استخدم اللغة العربية الفصحى والعامية في الحوار بين الشخصيات، ووصف المشاهد محترف بيوصف كل شخصية بتفاصيلها واستخدام ألفاظ مناسبة لزمن الرواية في العشرينات.اقرأها من هنا 

101حيلة نفسية لترويض العقل وتغيير الحياة

كتاب 101 حيلة نفسية لترويض العقل للكاتبة “بريانا وايست” وتمت ترجمته من “دينا المهدي”، هيجاوبك على سؤال كيف تستطيع، أيه أسباب الصعوبات اللي بنمر بيها في حياتنا وأية أفضل طريقة للتغلب عليها، وازي نحول عقبات ومطبات الحياة لحلول.وكل الطرق دي هتلاقيها في 101 حيلة نفسية تغيير بيهم طريقة تفكيرك تجاه الحياة.اقرأها من هنا 

عهد دميانة

رواية عهد ديمانة بتدور أحداثها في العصر الفاطمي في إطار درامي إنساني تاريخي عن حياة دميانة وأمها “ونس”، اللي كانت مهتمة جداً بتعليمها مبادئ المسيحية والمواظبة على زيارة الكنيسة عشان تحقق حلمها القديم وتنذرها للبتولية، هنرجع بالزمن مع “ونس” ونعرف قصتها لما كانت عايشة مع والدها التاجر “مينا” والمربية “حنة” وقد إيه كانوا سعداء لحد ما جه اليوم اللي والدها قالها فيه أن ابن عمها “بطرس” أتقدم عشان يخطبها وهو وافق، من هنا تنقلب حياة ونس رأساً على عقب هي وكل اللي تعرفهم، عشان في الآخر تعرف إيه اللي ممكن يحصل للإنسان لما يُجبر على حاجة مش عايزها، بقلم أسامة الشاذلي. اقرأها من هنا 

ماذا لو؟ 

رواية خيالية فلسفية للكاتبة ساندرا سراج، هتاخدك في رحلة لبوابات الزمن عشان تكون وجهًا لوجه مع احتمالات “لو” ماذا لو توقف العقل عن التفكير في الذكريات وماذا لو كنت عارف معاد الفراق؟ اسئلة كتير بتدور في بالك هتناقشك فيها وتطبطب على جروحك. اقرأها من هنا 

كانت هتفرق

مجموعة قصصية من 10 حكايات بتعبر عننا من أول فتح عبدالحميد للمقبرة والقط نسكافيه وهلوسة أحمد باشا عبد العظيم ولحد البقلاوة وإيه اللي حصل في يوم الخميس، وهتسأل نفسك في حكاية فرح “ماذا يفعل المرء عندما يقع في حب غيمة؟ وهل فعلاً هتعرف تفتح صفحة جديدة مع نفسك في “قلب نابض”وغيرها حكايات وقصص كتير بقلم مجموعة من الشباب. اقرأها من هنا 

الجدير بالذكر ان لسه باقي 6 شهور السنة، لسه قدامك فرصة تطلع الروايات اللي مأجل قرأتها، اقرأها في أي مكان في المترو، الميكروباص، الطيارة، اقتل الملل وقفل الباب في وش التخاذل وادي لنفسك شوية ونس في رحلتك.