5 كتب هتغير مزاجك – أقل من 50 جنيه

في حواري مع أحد الأصدقاء عن أزمة ما بعد التخرج، اتكلمنا عن أن الانتاجية ما هي إلا خدعة لخدمة الرأسمالية، ومعظم الحاجات اللي بتحسسنا بالإنتاج مش بتيجي من الشغل اليومي اللي احنا بنشتغله، زي القراءة مثلًا من أكثر الحاجات اللي بتحسسنا بالإنتاجية من حيث المعلومات وتوسيع الأفق والخيال اللي بيلهمنا نفكر في مسائل كتيرة في الحياة، ولكن بعد سكوت 5 ثواني بصينا لبعض وبدأنا نضحك بالرغم من أهمية الموضوع ، عشان كده في مقالة النهاردة هرشحلك 5 كتب هتغير مزاجك وتفصلك من عجلة الرأسمالية وكمان هتوفر لأن أسعارهم أقل من 50 جنيه. 

اطلع من نافوخي

مجموعة مقالات قصيرة، بتتكلم عن المواقف الحياتية بأسلوب ساخر للتعبير عن الأفكار العميقة في الحياة والمجتمع، الكاتب أحمد الحداد بيضيف طبعه الشخصي في الكتابة وده اللي هيحسسك انك بتدردش مع الكاتب وانتم بتشربوا كوبايتين شاي في روقان، الكتاب من فئة الأدب الساخر والخفيف ولكن فيه رسائل عميقة وتقدر تخلصه في يوم، سعر الكتاب 40 جنيه على iRead Shop دوس هنا واطلب

أزمة حشيش

مجموعة قصصية بتناقش سؤال واحد “السخافة أم الإحتياج؟ إيه اللي يدفع الشخص انه يتعاطى الحشيش هل هو سخافة أم احتياج حقيقي؟، الكاتب أحمد الملواني، هيكلمك عن هموم المواطن العادي اللي بتدور حكاياته في متاهة وفجوة عميقة جدًا ملهاش قرار، خلل المنظومة السياسية والإجتماعية والثقافية، واوعى تفوت تقرأ هوامش كل قصة لأنها مهمة جدًا وهتخليك تفهم تفهم شخصية الكاتب خارج حدود الورق. سعر الكتاب 50 جنيه على iRead Shop دوس هنا واطلب دلوقتي 

لصوص متقاعدون

في رواية لصوص متقاعدون الكاتب حمدي أبو جليل جمع بين أسلوب نجيب محفوظ في وصف الشخصية المصرية والخيال الشعبي الفانتازي لخيري شلبي، كل ده بوصفته الخاصة ولغته المختلفة، بيوصف حال المجتمع الشعبي المصري المشاكس في الأحياء الشعبية، عشان تستمع بوصف حي لواقع الحياة في العشوائيات هتخليك تتخيل المشهد كامل وتتفاعل مع كل شخصية، الحكايات تبدو انها بسيطة ولكن غنية بالحكمة. سعر الكتاب 50 جنيه – دوس هنا واطلبه دلوقتي 

مولد سيدي الكذاب

لو بتحب الأعمال السياسية الساخرة فالكتاب ده لازم يكون في مكتبك، لأن الكاتب محمد راضي، بيقولك أفعل من الجرائم ما شئت إلا أن تكذب، وده القانون اللي فرضه ” رئيس الشت لاندي “الصادق بيبرس” وكل مواطن مجبر على تنفيذه، طريقة الإسقاط السياسي حولت النص إلى كوميديا سوداء وده اللي هيخليك مش عارف تضحك ولا تبكي من المفارقة اللي بتعيشها، طريقة السرد قوية ومطعمة باللهجة العامية الساخرة. سعر الكاتب 60 جنيه، دوس هنا واطلبه دلوقتي 

الإنس والجبس

لو حابب تزود حاجة بسيطة على ال50 جنيه، فكتاب الإنس والجبس للدكتور أحمد عاطف هياخدك بين سطور مذكراته وقت استلامه لقسم العظام في أحد المستشفيات الحكومية في  القاهرة، بخفة ظل مفيش حد هيلسم من نقده، سواء كان زملاءه أو إدارة المستشفى لموظفي الوحدات الصحبة وحتى المرضى، الكتاب بالرغم من انه مكتوب باللهجة العامية إلا أنه بيلقى الضوء على جوانب سلبية في المنظومة الطبية. دوس هنا واطلب دلوقتي

أوقات كتيرة ضغوط الحياة والشغل وعجلة الرأسمالية بتنسيك ازاي كنت بتستمع بوقتك عشان كده كل فترة حاول تفصل من الكتب أو الروايات التقليدية، بكتاب أو رواية من الأدب الساخر، هيساعدك في تحسين مزاجك، حتى لو مفلس، تقدر تشتري كل الكتب من ابلكيشن iRead Shop، أو تقرأ كل الروايات والكتب بسعر كتاب ورقي واحد، على iRead eBooks.