صدمة الصفحة الأخيرة! 5 كتب نهايتها هتفاجأك
قالوا إن النهايات أخلاق، ولكن تفتكر حتى في الكتب؟
النهايات في الكتب أخلاق بدون شك، لأنك بتعيش مع الكاتب في كل صفحة ومتعشم فيه إنه يقدملك نهاية مميزة تستحق وقتك من أول صفحة في الرواية لأخر صفحة.
ولكل كاتب أخلاقه الخاصة اللي بتميزه عن غيره، وده بيخليك تختار تقرأ لكاتب معين ثقة فيه إنه مجهزلك نهاية تخلي عقلك ينور من الدهشة، وده اللي دورنا عليه ولقيناه في الكتب اللي هنتكلم عليها في المقال ده.
لو خلاص زهقت من النهايات المتوقعة والمحبطة وبتدور على روايات تصدمك، كمل المقال للأخر واقرأ كل ترشيحاتنا بالكامل وهتلاقيها موجودة كلها على أبلكيشن iRead eBooks تقدر تقرأها براحتك في أي وقت.
في أدب السجون: بيت خالتي
نصيحة متغامرش وتقرأها لو قلبك رهيف!
عمل أدبي مش لأي حد، محتاج قلب قوي ومشاعر مبتتأثرش بسهولة عشان تقدر تقرأها.
الرواية بتجمع بين أدب السجون، الأدب البوليسي، العاطفي، السياسي والتاريخي؛ شهادة للتاريخ عن انعدام الإنسانية بين بعض البشر بقلم الكاتب أحمد خيري العمري؛
سلط العمري الضوء على قضية السجون في سوريا بأسلوب ساحر ومميز يفوق التوقعات ويسبب صدمة بشكل كبير على القارئ كل ما يقرب من نهاية الرواية.
بتحتوي الرواية على مشاهد مأساوية بطريقة الكاتب فقط اللي عرف يوصفها بكلماته، مشاهد تُقشعر لها الأبدان، هيفتح عيونك على الظلم في المعتقلات واسوأ أنواع التعذيب المُمنهج، هيعرفك على الطرق والمحاولات اللي كانوا الطغاه بيستخدموها لتجريد الإنسان من إنسانيته بطريقة مقصودة ومنظمة.
هتبكي من الظلم والقهر وتتعجب إزاي إنسان ممكن يتعرض لكل القهر ده وميفقدش إيمانه؟
نهاية الرواية من النهايات الصادمة، المفاجأة أن الشهادات المذكورة مش من خيال المؤلف ولكنها روايات حقيقية، بشهادات المعتقلين في الرواية شهادات حقيقة ولكن بأسماء مستعارة لحمايتهم،
وبكده الكتاب تخطى مرحلة الرواية وأصبح عمل من نوع خاص، فهو رواية تسحب القارئ للواقع السوري شعباً ونظاماً.
في أدب الرعب: يحدث ليلاً في الغرفة المغلقة
المفاجأة في الرواية إن الأحداث مقتبسة من وقائع حقيقية، وكل حاجة هتبان في النهاية!
بين مزيج من الرعب وخليط من الحكايات الصوفية البديعة المستوحاة من العصر الفاطمي، والواضحة في سيرة الشيخ عبد الرحيم القناوي،
بتدور الحوادث وتبدأ كل اللعنات في الحدوث اللي بتعصف بحياة كل من الفتيات الأربعة بعد ما فتحوا الغرفة رقم 4، اللي بتستخبى فيها أسرار بتبدأ في اكتشافها “مريم” مؤخراً.
الرواية بتناقش معتقدات مجتمع صعيد مصر والأفكار المبنية على عالم السحر والشعوذة.
في أدب الدراما: 313
نهايتها هتصدمك! من النهايات المفاجأة والغير متوقعة.
الألم ممكن يوديك لغاية فين؟ الرواية هي سايكو درامية لها وقع مضطرب على النفس، بتاخدك في رحلة جوا النفس البشرية وتعقيداتها اللي بنكتشفها كل ما عشنا أكتر.
عمرو الجندي استطاع بقلمه القوي يسلط الضوء على الألم بكل أنواعه، لدرجة انك وأنت بتقرأ هتحس بكل وجع مر بيه بطل الرواية، الألم النفسي، والإحساس بالذل والمهانة اللي داقه مرات كتير.
الرواية بتدخل مناطق جديدة في علم الطب النفسي، والنهاية جت متميزة وعميقة هتكمل قعطة البازل اللي ناقصه من أول الرواية.
في الأدب الديستوبي: الأسيف
نهايتها مش هتيجي على مزاجك!
لو اتمسحت ذاكرتك ونسيت مين انت، هتقدر تبدأ حياتك من جديد ولا هتضيع؟ تخيل لو حد عرض عليك عقار واحد بس يرجعك لذكرى من ذكرياتك اللي اتمسحت، هتختار ترجع فين؟
رواية خيال علمي ديستوبية، بدأت بغموض من بداية مشروع زراعة الذكريات، واستمر التشويق بظهور قراصنة العقول وبداية العهد الجديد لما يقرر مجلس إدارة شؤون البلاد بإلقاء قنبلة تنشر فيروس يمحو ذاكرة الشعب المليئة بالفساد والعنف،
يمحو توجهاتهم ومعتقداتهم وسلوكياتهم، ويزرعوا مكانها اللي شايفينوا مناسب، يزرعوا ذكريات تدفعهم لحياة أفضل، وبتبدأ الحرب الغير متساوية الأركان، تفتكر مين هينتصر في نهاية؟
في الأدب الرومانسي: كونسيلر “مقتبسة عن أحداث حقيقية”
“ربما يوجد أشخاص لديها درجة عالية من التصالح وتفهم الأخر”
لكل حقيقة وجهين، كونسيلر هي رواية اجتماعية رومانسية جمعت كل أنواع المشاعر فيها: الحب، الخذلان، الأمل، الانكسار، الاحباط، الشجاعة والخوف، هي ببساطة رحلة عميقة داخل النفس البشرية.
هتسافر في رحله مليانة تشويق وغموض داخل حياة مجموعة أشخاص اختاروا إخفاء عيوبهم وتغطيتها بدل ما يعالجوها ، وترتب عليه أحداث هزت ثبات الشخصيات.
إزاي شخص ممكن يمر بكل الأحداث والأزمات دي وينصفه القدر في الأخر إنصافاً تقشعر له الأبدان؟
مستنياك نهاية سعيدة غير متوقعة مرفوقة بمزيج من العبر والدروس لجميع الأطراف في الرواية.
قد تكون النهايات السعيدة كليشيه لفئة كبيرة من القُراء ولكنها بصيص نور لقارئ بيبحث عن الإنصاف وبعض من الأمل في طيات الكتب، ولكن إيه هي فكرتك عن النهايات المتميزة من وجهة نظرك؟
هل تكمن في النهايات المفتوحة؟ ولا الغامضة؟ ولا الحبكة اللي بتقلب كل الموازين؟ ولا ممكن النهايات الغير متوقعة بدون تصنيف محدد؟ قولنا رأيك في تعليق ولو عجبتك ترشيحاتنا دوس إعجاب، وإلى اللقاء في مقال جديد.
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
