4 روايات هتسافر معاهم بلاد ومدن مختلفة
السفر زمان كان يا إمّا على جمل يا سفينة، وطبعاً اللي معندوش صحة ولا صبر إنه يتحمل تعب الطريق مبيسافرش، وبيفضل زي الشجرة اللي طلعت جنب بيته بقالها عمر متحركتش من مكانها وبتصحى كل يوم جديد على نفس الشارع ونفس الناس ونفس البيت.
بس لما جه ابن بطوطة وعمل كتاب رحلة ابن بطوطة: تحفة النظار في غرائب الأمصار وعجائب الأسفارغيرلنا مفهومنا عن السفر، لفّينا معاه بلاد وشفنا العجايب وعرفنا أسرار أكلهم ولبسهم واسلوب حياتهم..كل ده وأكتر عدى بينا آلاف الأميال من خلال صفحات الكتاب، وهو ده اللي بيعمله الكتاب لما ياخدك في رحلة معاه.
في ناس سافرت الدنيا كلها في مكانها، واحنا هنقولك على 4 كتب هتسافر معاهم لأماكن مختلفة وتشوف ناس وتتعرف على أماكن جديدة.
جهز نضارتك ومشروبك عشان مسافرين.
رغم الفراق – نور عبد المجيد
مفيش أصعب من الفراق خصوصاً فراق الناس اللي اتعودت عليهم يكونوا في يومك دايماً، السفر فراق ولقاء،
هتفارق هدى وهاشم في مصر بس هتتعرف على مدينة جميلة وهي “لندن”، هتشوف جسر لندن بعيون عايدة وتتمشى في شوارع لندن الكلاسيكية وبمبانيها العريقة، وبرضه هتشوف شوارعها الضيقة المتواضعة والمستخبية ورا جمال لندن المعروف، مش بس هتشوف لندن وأنت في مكانك ماسك كتابك، متنساش إنك هتتعرف على ناسها وثقافاتهم وكمان هتعيش معاهم.
غربة الياسمين – خولة حمدي
هنا الموضوع هتلاقيه مختلف عن فكرة الفراق واللقاء، في غربة الياسمين هتسافر فرنسا مع ياسمين، عروسة أوروبا ونجمتها، حلم ناس كتير وعشق لناس أكتر، هتتعمق بين صفحاتها في شوارعها، هتعدي على مرسيليا الجميلة وترسمها في خيالك، هتزور مدينة ليون الضخمة، مدينة الحرير والرايون، من أهم المواقع التراثية القديمة في فرنسا، وطبعاً الكاتبة خولة منسيتش تودينا أشهر مكان في فرنسا، باريس، أهم وأكبر مركز أوروبي للفنون والأزياء والأقتصاد، هتشوف جمال بحر السين وهتتمشى بليل في أجمل شوارع العالم، شارع الشانزلزيه، هتتعرف على مغتربين عرب وتعرف حكياتهم وتشاركهم يومك هناك.
لا أحد ينام في الإسكندرية – إبراهيم عبد المجيد
المدينة البيضاء..كأنها عروسة بفستان الفرح..
ممكن تكون رحت اسكندرية بس ياترى سافرت اسكندرية زمان؟ زمان قوي بين ١٩٣٩ الى ١٩٤١؟
طيارة الزمن هتسفرك لهناك وتشوف بعيون خيالك كانت عامله إزاي أيام الحرب العالمية التانية، هتتعرف على مدينة غير المدينة، نفس البحر بمعالم وريحة وناس مختلفة، ريحة البارود المغطية ريحة بحر اسكندرية الجميل، سُكان بيهربوا منها بدل ما يروحولها،
وعلى الجانب الأخرهتعيش سحر اسكندرية زمان من تاريخ وفن وثقافة، ومتنساش تمتّع عينك بزرقة بحرها وسماها، وجمال عروس البحر المتوسط.
جزيرة السيدة إليوت – كريستوف غيومو
تيجي نروح مكان هادي ومنعزل على البحر نستجم فيه؟ رحلتنا هتبتدي مع كلارا لما باباها هيهديها في عيد ميلادها رحلة هدية لجزيرة في استراليا اسمها “جزيرة السيدة إليوت”، لو متعرفهاش يبقى هتتعرف عليها لأول مرة في الرواية ديه، سيب خيالك يرسمها زي ما وصفها الكاتب، هتشوف جمال الحواجز المرجانية العظيمة والأحياء المائية المختلفة والطبيعة الخلابة اللي طاغية على الجزيرة، هتحس وأنت بتقرأ صوت بحر الكورال الهادي وريحته مع دفى الشمس، روق أعصابك هناك وتعالة قولنا رأيك فيها.
هتلاقي الرواية على iRead eBooks:
ولو بتحب تقرأ ورقي اطلبها من iRead Shop:
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
