5 روايات اوعى تفوتها لو بتحب المغامرة

عارف إحساس قلبك لما بيدق بسرعة، والأدرينالين وصل لاعلى مستوى، لما بطل الرواية يقف على حافة المجهول، دماغك بيبدأ يدور فيها اسئلة كثيرة مزيج من الخوف والإثارة، شعور جميل بيصحى شعلة الحماس جواك وده لأن المغامرة والحرية وجهان لعمه واحدة وهى كسر الروتين، يمكن تحس بشوية قلق وتوتر ولكن ده مفيد عشان تكمل الرواية لأخرها من ما تزهق، عشان كده النهاردة هرشحلك 5 روايات مليانة مغامرة اللي هتلمس كل حواسك وتديلك جرعة مغامرة مش هتقدر تنساها

تغريبة القافر

الرواية بتدور احداثها عن “القافر” اللي بيشتغل في الكشف عن المياه في القرى العمانية ولكن بوسائل تقليدية، هتعيش رحلة مغامرة في استكشاف العلاقة بين الإنسان والطبيعة، وهتحتار بين الواقع والأسطورة، الكاتب زهران القاسمي، بيسلط الضوء على الصراعات الداخلية للبطل، مع محاولة لفهم أسرار الطبيعية وده هيخليك تعيش أجواء مليانة بالتشويق. دوس هنا واطلبها دلوقتي

اقتباس من الرواية  

«كلّ حدّ يسقيه الله فهالدنيا من روح إنسان ثاني، كلّ حدّ عطشان الين يلقى لماه». 

القصر الأسود

ياترى هتعمل أيه لو اضطريت تعيش في قصر مجهور لوحدك؟، بتدور أحداث الرواية عن بنت بتضطر تعيش في قصر قديم بتحاوطه الأسرار والغموض، ولكن مع الوقت بتبدأ البطلة تكتشف العلاقة اللي بين ماضي القصر والناس اللي كانت ساكنه فين، الكاتبة منى سلامة هتعيشك في مغامرة مليانة مفاجات بتربط بين الحقيقة والخيال، وبتنبش في دهاليز الماضي وتكشف أسرار القصر والناس اللي كانت ساكنة فيه وأيه اللي حصل ليهم بسبب القصر، ولكن هل البطلة هتعرف تخرج سليمة منه؟ دوس هنا واقرأ دلوقتي 

اقتباس من الرواية  

“لا احد يستحق ثقتها، لا احد يستحق قلبها.. ودت لو تصير مثل الأمواج لا تتألم مهما تكسرت فوق الصخور، تتشتت لكنها تعود وتلملم أشلاءها ، تغدو موجة أكبر، تنضجها الضربات ولا تميتها”

لوكاندة بير الوطاويط

لو بتحب المغامرات البوليسية، ف اهلًا بيك في لوكاندة بير الوطاويط، بتدور أحداث الرواية في إطار بوليسي في أواخر القرن ال19، لما بيلاقي محقق بوليسي مخطوطة متعلقة بجرائم غامضة في لوكاندة مهجورة، بيبدأ يفك شفرات المخطوطة ويحاول يوصل للمجرمين، الكاتب أحمد مراد بيقدر يربط خيوط الجرائم المعقدة وهيخليك في حيرة بسبب تشابك الحقائق مع الأكاذيب عشان تعيش تجربة مغامرة مع ترقب مستمر للأحدث. دوس هنا واطلبها دلوقتي 

اقتباس من الرواية
“بين هذا المكان وذاك الزمان كان السر، وكانت بداية النهاية”

بيت خالتي

الرواية بتدور أحداثها من خلال “ماجدة” اللي بتكتشف أسرار غير متوقعة وغريبة عن عائلتها، وده اللي بيخليها تدور أكثر وراء تاريخ العائلة عشان تكتشف صدمة عمرها، الكاتب أحمد خيري العمري، هخليك تعيش تجربة مغامرة بتجمع بين التأمل في العلاقات الإنسانية والصرعات النفسية اللي بتعيشها ماجدة. دوس هنا واقرأ دلوقتي

اقتباس من الرواية
“في كل ركن من هذا البيت، كانت هناك أرواح تروي قصصًا منسية، عن أحلام وآمال تلاشت، وأشخاص تركوا بصماتهم دون أن يشعروا.”

عصور دانيال في مدينة الخيوط

الرواية بتتكلم عن قضية دانيال اللي عنده حالة انفصام في الشخصية بعد صدمة اغتصابه كطفل، الكتاب أحمد عبداللطيف هياخدك في رحلة مليانة مغامرة وتشويق لمدينة كل سكنها عرائس ماريونيت، وبيوصف المراحل النفسية المختلفة اللي مر بيها دانيال، وكل مرحلة تحس ان فيه عقل شخص تانى غيره هو اللي بيحركه . دوس هنا واقرأ دلوقتي

اقتباس من الرواية 

“المدينة، بكل خيوطها المتشابكة، كانت كأنها فخ لا نهاية له.”

روايات المغامرة من اقوى انواع الروايات اللي بتكسر الروتين، ولكن المغامرة الحقيقة، هي اللي بتعيشها كل يوم في حياتك، بتدخل في تفاصيل يومك من اول لما تصحى من اليوم ولحد لما بتقفل آخر صفحة من الرواية قبل ما تنام، عيش وغامر كل يوم واستمتع بحياتك، متنساش لو ترشيحاتنا عجبتك تعمل لايك