5 روايات جريمة وغموض
هرشحلك 5 روايات جريمة هتاخدك من دوشة أفكارك لعالم مليان تفاصيل وغموض، بس يا ترى هتعرف تحل لغز الجريمة قبل ما تخلص الرواية ولا الكاتب هيفاجئك ويقلب الموازين؟، تعالى نشوف
صديقي السيكوباتي
الكاتبة ميرنا المهدي بتتكلم معاك عن الأزمات النفسية على المدى الطويل واللي تعتبر بذرة الإجرام لأى قاتل، الرواية فصحى والحوار بالعامية وتطور الشخصيات هيحسسك بالحماس عشان تكمل الرواية لأخرها وتكتشف النهاية اللي هتصدمك. اقرأها من هنا
ادم المصري
الكاتب هشام الخشن هيشدك في رواية آدم المصري جريمة بقضية “موت الرحمة” بحبكة درامية وتسلسل درامي شيق وأسلوب سرد سهل وسلسل، لرفع شعار تعدد الأسباب والموت واحد.اقرأها من هنا
دماء على السجادة الحمراء
الكاتبة نهى داود هتاخدك في رواية جريمة عن مقتل منتج مشهور على السجادة الحمراء، مين اللي قتله وليه قتله وهل فعلًا شاكر يستحق الموت الف مرة؟، كل ده هتعرفه بين سطور الرواية والقاتل حقيقي مش هتتوقعه.اقرأها من هنا
الجلسة
الكاتب عبدالرحمن جاويش، هيلعب بأعصابك بشكل جنوني وهيشدك تخلص الرواية من جمال أسلوبه المشوق، رواية الجلسة بتتكلم عن قاتل متسلسل بيرتكب مجموعة من الجرائم البشعة واسمه “المايسترو” وهتعرف ليه مسمى نفسه المايسترو لما تقرأ الرواية. اقرأها من هنا
شفرة الدولفين
الكاتب ضياء الدين خليفة في رواية شفرة الدولفين هتلاعب بالخط الزمني عشان يفصل حبكة ممتازة هتنقلك بين الأحداث بتشويق يخليك تخلص الرواية كلها في قعدة واحدة عشان تعرف تفك لغز شفرة الدولفين. اقرأها من هنا
دي كانت ترشيحاتنا ل5 روايات جريمة وغموض تقدر تخلصها في يوم، قولنا على روايات الجريمة اللي بتحبها في التعليقات
فريق iRead كتب المقالة بكل الحب عشان يشجعك على القراءة بانتظام، أنت تستاهل أنك تثقف نفسك وتبسطها، شكراً لأنك وصلت لحد هنا.
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
