تطور القراءة: نظرة على مستقبل الكتب الإلكترونية

مفيش وصف يقدر يعبر عن الكتاب غير أنه الصديق المخلص لكل من اختاره، لما بتكون ماشي لوحدك بيكون متبت في إيدك عشان ما تحسش بملل الطريق، عمره ما خذلك ودايما معاك فى كل الأوقات، واللي بيحب القراءة بجد هيعرف معنى أنه يعامل الكتاب بتاعه كأنه شخص حقيقي، لأن كل كتاب جواه فكرة وهدف ومساحة كبيرة من النقاش مع صاحب جدع. 

القراءة بين الورقية والإلكترونية 

مفيش إختلاف أن القراءة من العادات المهمة جدًا لأي شخص بيحب الإطلاع والبحث عن المعلومات الجديدة أو حتى التسلية، ولكن الكتب حالها من حال أي حاجة تأثرت بالثورة التكنولوجية، ومعظم الكتب موجودة بشكل إلكتروني تقدر تقرأها في أي وقت وكل مكان، بس دا مش معناه أن الكتاب الورقي هينقرض، بالعكس القراءة الإلكترونية بتعزز جدًا القراءة الورقية من حيث البحث والإحتفاظ بالمعلومات ومشاركتها بطريقة سهلة 

القراءة الإلكترونية: أن تجد ضالتك 

القراءة الإلكترونية قصرت المسافات بين الكتاب والقارئ، لأنها بتتيح ليه آلاف الكتب اللى ممكن يقرأها في أي وقت وكل مكان، وكمان موفرة جدًا لأنك بسعر كتاب واحد ممكن تقرأ كل الكتب اللي محتاجها في السنة كلها، ومعظم الكتب اللي مش موجودة في أغلب المكتبات ممكن تلاقيها إلكترونية، وده بيسهل عليك التدوير في المكتبات وأكشاك الكتب. 

مستقبل القراءة الإلكترونية 

في الفترة الأخيرة القراءة الإلكترونية بدأت تنتشر بشكل كبير بين القُراء، نظرًا للأزمة اللي بتعاني منها طباعة الكتب الورقية، بدأ محبي القراءة في إنشاء وتأسيس تطبيقات للقراءة الإلكترونية بالتعاون مع دور النشر المختلفة فى جميع أنحاء العالم، لتمكين القُراء من قراءة كتبهم المفضلة من خلال الموبايل أو الاي باد، بسعر كتاب.

ليه تختار القراءة الإلكترونية 

على عكس ذكرياتنا مع الكتب الورقية ورائحة الكتب، التغيرات الحياتية والإجتماعية ممكن تؤدي إلى إتلاف الكتب الورقية، زى الضياع أو النسيان، التقطيع والشخبطة وغيرها من المشكلات اللي بتخلينا نفقد الكتاب، لكن مع الكتب الإلكترونية، هتقدر تحتفظ بكل كل الكتب اللي بتحبها، وتحميها من أي مشكلة ممكن تحصلها، والأجمل انك ممكن تشاركها مع أصحابك من غير ما تشيل هم ان الكتاب مش هيرجع تانى! 

لكن دا ميمنعش ان فيه تحديات ممكن تقابلك أثناء القراءة الإلكترونية، لكن iRead حلت ليك كل المشاكل اللى ممكن تقابلها أثناء القراءة، تابعنا عشان تعرف إزاي حلينا مشكلة القراءة الإلكترونية

.فى النهاية القراءة الإلكترونية تجربة مفيدة وجديدة، ولو تلاحظ انت كل يوم بتقرأ إلكتروني حتى وأنت بتقرأ المقال دا، والأكيد ان القراءة الإلكترونية عمرها ما هتمحى القراءة الورقية بالعكس هي بتعززها وبتحافظ عليها.