أفضل اقتباسات محمد طه وأشهرها
في هذا المقال سنقدم لكم أشهر اقتباسات محمد طه، فمن هو محمد طه؟ يُعتبر دكتور محمد طه من أشهر الأطباء النفسيين فى مصر، وعلى مستوى العالم العربى. هو استشاري ومُدرس الطب النفسي، وشَغِل منصب نائب رئيس الجمعية المصرية للعلاجات الجماعية سابقا،
وزميل الكلية الملكية البريطانية، وأيضًا هو أحد أعضاء الجمعية العالمية والأمريكية للعلاج النفسي الجماعي ومُؤلف الكُتب الأكثر مبيعًا خلال السنوات الأخيرة.
كَتب العديد من الأبحاث العلمية، ونُشرت هذه الأبحاث داخل وخارج مصر. ويُعَد دكتور محمد طه أحد أهم الأعمدة الأساسية لفريق طبي بقيادة الأستاذ الدكتور رفعت محفوظ أستاذ الطب النفسى بمصر. وقام هذا الفريق بتطوير نوع جديد من العلاج النفسي يُطلق عليه طريق الأربع في العلاج النفسي الجَمعي.
وانتشر هذا النوع من العلاج بسرعة البرق داخل مصر. كما تم تطبيقه في علاج الكثير من الحالات خاصة حالات الإكتئاب الشديد، نتيجة التعرض للتنمر والمشاكل الأسرية وغيرها، كما أن هذا العلاج معروف على مستوى العالم.
وبدأ محمد طه مشواره الأدبى في عالم الكتابة فى عام ٢۰١٦ وصُدور أول كتاب له بعنوان الخروج عن النص عن دار تويا للنشر. وقد حقق نجاحًا ساحقًا، ثم أصدر كتابه الثانى علاقات خطرة في نفس العام.
وفي عام ٢۰١٩ أصدر كتاب لأ بطعم الفلامنكو الصادر عن دار الرواق للنشر والتوزيع، والذى وصل عدد طبعاته إلى ما يزيد عن خمسين طبعة حتى الآن. وفي عام ٢۰٢١ صدر كتابه ذكر شرقى منقرض عن دار الشروق للنشر والتوزيع، والذي احتل قوائم الكتب الأكثر مبيعًا منذ صدوره من الأسبوع الأول.
كما فاز دكتور محمد طه بجائزة صاحب الكتب الأكثر مبيعًا لعام ٢۰٢١ خلال توزيع جوائز حفل iread awards العام الماضي.
تعرف ايضاً على بعض كتب محمد طه من هذا المقال.
في هذا المقال أهم وأشهر اقتباسات محمد طه من كُتبه
اقتباسات من كتاب الخروج عن النص
” غلطت؟ سامح نفسك.. واتعلم من غلطك.. وابدأ من جديد.. هو احنا بنتعلم من غير ما نغلط؟ ضعفت؟ اقبل ضعفك.. ما هو إنت بشر.. والضعف جزء من بشريتك. فشلت؟ وماله.. هو النجاح ليه طعم من غير الفشل؟ إقبل فشلك.. وحاول تانى. “
” إحساسك بالذنب هيوقفك ويسجنك ويشل حركتك ويخليك تكرر نفس الغلطة تاني ألف مرة.. إنما إحساسك بالمسئولية هيخليك تتعلم، وتعتذر، وتسامح، وتتغير.. وتتحرك.. وتتحرر… “
” فيه ناس بتبقى عاملة زي مصاصين الدماء.. يعنى يبقوا عاوزين يمصوا دمك.. يبقوا عاوزين ياخدوا منك كل اللى يقدروا ياخدوه.. تبقى انت صاحب العطاء الدائم الذي لا ينقطع.. تدي.. تدي.. تدي.. تنزف.. تنزف.. تِحِب.. وتقبل.. وتسامح.. وتسمع.. وتفهم.. وتقدر.. وتعذر.. وتستحمل.. وتقطع من نفسك كل يوم حتة تقدمها قُربان ليهم.. وتدفع كل يوم تمن غالي في سبيل رضاهم.. وهم مش بيشبعوا.. ولا هيشبعوا.. أبدًا..”
“فيه بعض الناس بتِستَلذ بتعذيب نفسها.. وجلد ذاتها.. ناس بتعمل دماغ من الألم.. وبتستعذب الوجع.. دول بكل بساطة.. بينتقموا من نفسهم.. أو بينتقموا من غيرهم في نفسهم.”
“أنا موجود إذا أنا أستحق.”
“من حقك تحدد مين.. هيكون فين.. امتى.. مهم حدودك تبقى واضحة.. وأرضك تبقى آمنة.. ومهم إنك تدافع عنها وتحميها.. ضد أي أذى من أي نوع.. تحديد المسافة بينك وبين أي حد حق أصيل ليك.. زي ما هو حق أصيل لكل الناس.. بيتك النفسى ملكك.. مش مِلك أي حد تاني.”
“فيه ناس هوايتها الاقتحام.. اقتحام الآخرين.. يقرب منك.. ويقرب أكتر.. ويلاقيك فاتح حدودك.. فيدخل.. ويتجول.. ويحس إن المكان مكانه، فيقعد ويبدأ في استهلاك مشاعرك، فيخليك تحزن مكانه، وتتألم بداله، وتشيل همومه بالنيابة عنه.. وبعدين يبدأ في إنهاك أفكارك، فتحتار فى مشاكله.. وتتردد في قراراته.. وتعاني فى كل خطوة هو بيخطيها.. وبعد شوية كمان يبدأ في توجيه تصرفاتك لحسابه.. ورسم سلوكك لصالحه.. وانسى بقى.. انسى نفسك يعني.”
“الوأد مش بس للبنات الصغار أيام الجاهلية، الوأد ظاهرة إنسانية بتتكرر كُل يوم، كُل نفس حقيقية ممكن تتعرض للوأد عن طريق التربية القاسية، كُل تلقائية/ حيوية/طفولة/إمكانات حقيقية ممكن تتعرض للوأد عن طريق رفضها في الصِغَر، كُل جزء من نفسك ممكن يتعرض للوأد في البيت أو في الشارع أو في المدرسة أو في المجتمع..”
اليك ايضاً اقتباسات عميقة لأكبر الكتاب في هذا المقال.
اقتباسات من كتاب علاقات خطرة
“لحظة أمان واحدة ممكن تكون حائط الصد ضد صدمة نفسية مفاجئة.”
“الدفاع القوى الناجح ضد كل الأمراض النفسية مهما تطور العلم وزادت الأبحاث، هو وجود إنسان (ولو واحد) قابلك ومُهتم بيك وبيحبك حُب حقيقى غير مشروط.”
“حائط الصد الصلب ضد الذهان والفِصام والجنون، بالرغم من نجاح بعض الطرق الأخرى، هو إنك تصدق إنك تستاهل تعيش وتستاهل تفرح وتستاهل تتحب وإن ده حقك.”
“خط الرجعة الأخير ضد الاكتئاب والقلق واضطرابات الشخصية، في وجود كل أنواع الأدوية والعقاقير، هو علاقة إنسانية يوصلك فيها إنك من حقك تكون نفسك.. من غير ما تدفع أى تمن.”
“فيه حد أثره بيكون كتاب، فيه حد أثره بيكون مقطوعة موسيقية أو عمل فنى وفيه حد بيكون أثره ناس اتعلمت واتغيرت على إيده.”
“من حقك تحزن زى ما هو من حقك تفرح فى بعض الحُزن نور ومن بعض الحُزن يولد الأمل.”
“العلاقات بين البشر زى ما هى أحد الأسباب المُهمة للسعادة والبهجة والإقبال على الحياة.. ساعات بتكون أحد أهم مصادر التعاسة والألم.. “
“أنت تكرهني.. إذن أنا موجود.”
“العلاقات الطيبة هى إكسير الحياة.. وهى الترياق الوحيد ضد الذبول الروحي.. والموت النفسي.”
“زي ما بيتعمل أب – ديت لبرامج الكمبيوتر.. احنا محتاجين نعمل أب- ديت يومي لنفسنا وللآخرين.. في علاقاتنا مع بعض… “
“كفاية دلوقتي إنك تحب نفسك وتسامحها وترحمها.. علشان برضه مع نفسك.. العلاج هو الحُب.. والترياق هو التسامح.. والطريق هو الرحمة.. “
اقتباسات كتاب لأ بطعم الفلامنكو
“عارف ايه أصعب سجن فى الدنيا؟ سجن خايف من بكره. عارف ايه السجن اللى أصعب منه؟ سجن زعلان على امبارح.”
“أخطبوط هائل من المشاعر السلبية يتلف حوالين رقبتك في دقايق.. أو ساعات.. أو أحيانا سنين.. لأنك مش قادر تساعد حد هو في الحقيقة مش عاوز يساعد نفسه.”
“إلى كل أب وأم.. إلى كل ُمدرس وُمدرسة.. إلى كُل الناس.. من فضلكم.. ما تختزلوش أولادكم فى درجاتهم.. ما تسجنوش أولادكم في مجاميعهم.”
“احنا محتاجين نفكر.. محتاجين نقرا ونبحث.. محتاجين نجتهد ونوصل. من غير ما ندور طول الوقت على وصي.. أو حد نعتمد عليه.. حد يفكر بالنيابة عننا، ويبحث لنا، ويجتهد فى سبيلنا.. ويقرر هو.. ويختار هو.. ويتحمل المسؤولية هو.. واحنا ناخد البضاعة على الجاهز.. ونستهلكها كما هي.”
“العبقرية صفة طبيعية وصحية موجودة فينا من وقت ولادتنا.. وموجودة في كائنات غيرنا كمان.. بس بتبهت وتندثر بمرورنا ببعض الخبرات السيئة.”
“التغيير يشبه المشي على الصراط.. أن تجتاز الجحيم، لتصل إلى جنة نَفسك العامرة.”
“من حقك فى أي علاقة إنك تُحترم.. مشاعرك تُحترم.. أفكارك تُحترم.. مِساحتك الشخصية تُحترم.. اختلافك وتَفرُدك يُحترم. “
تعرف على اقتباسات ملهمة من هنا
اقتباسات من كتاب ذكر شرقى منقرض
” إوعى تلبس أي دور حد يحاول يلبسهولك.. إوعى تكون إنت الشخص اللي هيحقق النبوءة المشئومة.. إوعى تلاقي نفسك طرف في لعبة درامية بائسة.. لا هي بتاعتك ولا إنت قدّها.. “
“ما تربيش ابنك على إنه هارون الرشيد… كل اللى حواليه بيخدموه ويسهروا على راحته.. ما تكبرهوش على إنه شهريار.. الآمر الناهي المُطاع.. وإلا السيف يا مسرور.. علشان ما يتحولش فى أحد الأيام لدون جوان؟ لأن الذكورية الشرقية مش بس مرض.. بل هى مُتلازمة مَرَضية كاملة.”
المصادر
- on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
