روايات رومانسية “خريفية”
بدايات الخريف دايمًا مرتبطة معانا بأغنية فيروز ” بتذكرك بالخريف” بنسرح في ذكريات رومانسية من أول كوبليه وهى بتقول “بتذكّرك كل ما تِجي لَتغَيِّمْ … وجَّك بيذكّر بِالخريفْ” ولكن القصة مش قصة طقس على رأي السيدة فيروز هي قصة ماضي كان عنيف، عشان كده النهاردة هنرشحلك مجموعة من الروايات الرومانسية المناسبة جدًا لفصل الخريف
ساعتين وداع
ماذا لو الحياة منحتك فرصة ثانية عشان تنقذ علاقتك بالشخص اللي كنت بتحبه، صديق شاب مصري سافر السعودية عشان يقابل خطيبته السابقة، بسبب تورطهم في جريمة قتل اضطروا انهم يبقوا مع بعض لمدة ساعتين كاملين، ودي كانت تذكرة فرصة من القدر عشان يتكلموا عن علاقتهم ويختبروا مشاعرهم مرة تانية، الرواية بقلم الكاتب أحمد مهنى ومن إصدار دار دون، الرواية هتسيب فيك أثر نفسي عميق لأ نها بتسرد تفاصيل العلاقات الإنسانية وبتفتح أبواب التاريخ عشان تجدد الأمل والونس جواك
اقرأ من موبايلك دلوقتي على iRead eBooks
“اقتباس من الرواية ” ساعتين وداع
“ انتظرتك حتى قاومتني قدرتي على المقاومة”
للقراءة اضغط هنا
حبيبي سكر مر
قصة حب رحيل وحسن ولكن حسن بيخاف من المسؤولية ومتردد، وده السبب في تملك شعور الحيرة والخذلان من رحيل، والتفكير بين العقل والقلب مُهلك، أحداث الرواية بتدور حوالين رسائل رومانسية تتخللها المزيكا ولكن أوعدك انك هتتفاجئ من النهاية، الرواية بالفصحى ولكن الحوار بالعامية المصرية، بقلم آية محمود يحيى، من إصدار دار تشكيل, تقدر تطلبها وتوصلك لحد بيتك، أو تقرأ من موبايلك دلوقتي على iRead eBooks
“اقتباس من الرواية ” حبيبي سكر مر
“مفيش حد مضطر أنه يعيش نص الحدوته..”!
للشراء اضغط هنا – للقراءة اضغط هنا
لأجلي مرة أخيرة
“آسيا” بنت زي كل البنات وقعت فريسة للحب، انكسرت وبدأت رحلة مليانة بالتضحيات ولكن على الرغم من كل اللي مرت بيه قدرت تصمد لحد النهاية وأنقذت حياتها وحياة بنتها، ولكن ايه اللي يخليها تسيب بنتها وليه مقتدرتش تسامح يونس؟ ده اللي هتعرفه في الرواية مع جرعة كبيرة من المشاعر الإنسانية المعقدة، بقلم رحمة طارق ومن إصدار دار الرسم بالكلمات، تقدر تطلبها وتوصلك لحد بيتك
“اقتباس من الرواية ” لأجلي مرة أخيرة
“مَن يحب لا يخون، ومن خان لم يعرف للحب بابً..”!
للشراء اضغط هنا
راجعين ياهوى
ريم بنت يتيمة الأب ولكن أمها كانت دايمًا معاها وكافحت معاها لحد ما دخلت الجامعة وهناك تعرفت على هشام، واللي بطريقه حبه ليها خلالها تتنازل عن حاجات كتيرة، زي أنهم هيبدوا حياتهم بالسكن مع مامته، وتبدأ التحولات الدرامية وأزمات وازاي ريم هتواجه كل المشكلات اللي بتهز كيانها بالتزامن مع وفاة مامتها، الرواية مأخوذة عن قصة حقيقية بقلم الكاتب تامر عبده أمين وإصدار دار المصري، الرواية باللهجة العامية المصرية، تقدر تطلبها وتوصلك لحد بيتك
“اقتباس من الرواية “راجعين ياهو
“مش بيودي الإنسان في داهية غير عيون قلبه..”!
للشراء اضغط هنا
أمس انتهينا
كلنا بندور على الأمان زي بطل الرواية، وده كان السبب في دخوله أكثر من علاقة عاطفية استنزافية، عشان يلاقي الشخص المناسب لدرجة انه اتهم بالأنانية، وده اللي وصله لحالة اكتئاب شديدة، ولكن هل هيعرف يخرج منها ولا هياخد قرار الإنتحار؟، بقلم عمرو النجار وإصدار دار سين للنشر، تقدر تطلبها وتوصلك لحد بيتك، أو تقرأ من موبايلك دلوقتي على iRead eBooks
“اقتباس من الرواية ” أمس انتهينا
“لمعَت عيني بشدةٍ بعدما شعرتُ أن أحدَهم يكترثُ لأمري.”!
للشراء اضغط هنا – للقراءة اضغط هنا
في النهاية الروايات الرومانسية من احلى الروايات اللي بتشدك من زحمة أفكارك بسبب تصاعد أحدثها وتفاصيل أبطلها وقصص الحب والرومانسية اللي بينهم، واللي ممكن تكون شبه قصة حبك لشخص ما، بتمنى ليك قراءة هادئة ورومانسية لفصل الخريف.
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
