ضغط نفسي
فيه دراسة اتعملت من مؤسسة “وي آر سوشيال” بتقولك ان حوالي 64% من سكان العالم بيستخدموا الإنترنت و 4.80 مليار منهم بيستخدموا السوشيال ميديا ومتوسط الوقت اللي يقضيه الشخص عليها حوالي 6 ساعات ونصف يوميًا، ودي تعتبر أكتر حاجة بتسبب ضغط نفسي لأنك بتشوف جزء بسيط من حياة الشخص وبتحاول تقلد النمط اللذيذ ده في حياتك الطبيعية ولكن للأسف الحياة مليانة تحديات أكبر بكتير من شاشة موبايل، وكمان من أكتر الحاجات اللي بتسبب ضغط نفسي هي عدم قدرتك على تقبل الملل والزهق لأن عادي أنك متعملش حاجة، وفي مقالة النهاردة هنرشحلك كتب هتساعدك تفهم نفسك أكتر عشان تتخلص من الضغط النفسي:
فن احتواء الذات
الكتاب بيتكلم عن الأصوات اللي دايمًا بتيجي في بالك وازاى تتعامل معها وتتقبلها لأنها جزء لا يتجزأ منك وممكن تكون الجزء المهم فيك، الكتاب من تأليف د.سيدرا ستون و د. هال ستون وترجمة داليا هشام السباعي .
101 حيلة نفسية لترويض العقل
للكاتبة “بريانا وايست” وتمت ترجمته من “دينا المهدي”، هيجاوبك على سؤال كيف تستطيع، ايه أسباب الصعوبات اللي بنمر بيها في حياتنا واية أفضل طريقة للتغلب عليها، وازاي نحول عقبات ومطبات الحياة لحلول.
إدارة الضغوط والأعباء النفسية
الكتاب هيساعدك في التخلص من الضغط النفسي من خلال استراتيجيات وحلول سهلة في التطبيق ولكن عميقة في الأثر لكن نمط من أنماط الأعباء والضغوط النفسية. الكتاب من كتابة رودينه رجب.
إنت والتانيين
الكتاب هياخدك في رحلة لاكتشاف ذاتك وعلاقاتك، وازاى تتصالح مع الآخرين وبالتالي هتصلح علاقتك بنفسك، أفكار الكتاب عميقة وبتبحث فى النفس البشرية بطريقة سلسلة، من تأليف شيماء الجّمال.
بوصلة الطريق
في الكتاب ده هتعرف ان التعافي النفسي مش الشفاء من مرض معين، لكن هو تحقيق درجة أعلى من النضج والنمو النفسي، وتخطي العقبات اللي بتقف في طريقك تجاه تحقيق أهدافك، الكتاب من تأليف د.جيمس فيلان و د.شهاب الدين الهواري.
دي كانت مجموعة من الكتب اللي مهم انك تقرأها في رحلة تعافيك، عشان كده خد وقتك وأنت بتقرأ وتأمل في نفسك وفي حياتك عشان تقدر توصل للتعافي، بتمنالك حياة هادية.
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
