مسابقة iRead Awards تستضيف الكاتب أحمد القرملاوي
في ظل فعاليات مسابقة iRead Awards إليكم استضافة الكاتب أحمد القرملاوي.
وذلك من خلال اجاباته على اسئلة خاصة ضمن الاستعدادات لفعاليات الحدث الأكبر iRead Awards.
أهم صفة في الكاتب الناجح؟
الدأب والرغبة في التطوير.
أهم طقوسك في الكتابة؟
الكتابة قبل النوم والتوقف في منتصف المشهد.
آخر كتاب قرأته؟
رواية “كالماء للشوكولاتة” للمكسيكية لاورا إسكيبيل.
إيه رأيك في iRead Awards الحدث الأكبر لكل كاتب وقارئ؟
حدث بيكتسب أهمية أكبر من دورة للتانية، وجماله في إنه بيخاطب كل العناصر اللي بتشكل عالم القراءة والكتابة.. القارئ والكاتب الناشئ والمخضرم والناشر والمراجع، الكل ليه تأثير وأهمية في الحدث وفي صناعة الكتاب على السواء.
توصف مشاركتك في الحدث بإيه؟
سعيد بمشاركتي بعدد من الأعمال المتنوعة؛ رواية ومجموعة قصصية وكتاب مترجم، مشاركة زي دي صعب تتكرر في أي دورة تالية، والجميل انها بتقدم للقارئ تشكيلة متنوعة من الكتابات والإبداعية والأغلفة والتجارب الفنية اللي يقدر يختار ما بينها.
إيه اللي ألهمك لكتابة “العمل المشارك به فيالمسابقة“؟
هختار رواية “ورثة آل الشيخ” من بين الأعمال المشاركة، واللي ألهمني كتابتها أسطورة متوارثة في عائلتي عن كنز بيحرسه قرد هيكتشفه ذات يوم واحد من أبناء العائلة.
أغرب رسالة جتلك من قاريء؟
رسالة باللهجة اللبنانية: إنت كتير مهضوم بس قصصك شوي كئيبة
بتابع ردود الأفعال على أعمالك إزاي؟
زمان كنت بتابع جودريرز، دلوقتي بكتفي بريفيوهات مجموعات القراء والبوك تيوبرز
علاقتك بوسائل التواصل الاجتماعي عاملة إزاي؟
عاملة زي المد والجزر.
إيه أكبر عقبة في طريق النجاح من وجهة نظرك؟
التوقعات العالية والسعي ورا النجاح السريع، وما ينتج عنه من إحباط.
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
