تقرأ إيه من إصدارات 2025 ( دليل شامل لترشيحات كتب وروايات جديدة)

التوهان نتيجة واقعية جدًا في وسط زحمة الإصدارات، تنافس كبير من دور النشر وبحر مراجعات ومدونات، أقلام جديدة ظهرت، هل تستحق فرصة نقرأ ليها ولا منضيعش وقت؟!،عشان كده عملنالك دليلك الشامل لو عايز تقرأ روايات جديدة من إصدارات 2025 سواء بتحب الكتب الورقية أو الـ eBooks هتلاقي الأثنين هنا

الأكثر قراءة من إصدارات 2025 على iRead eBooks 

آن ثم لا شئ بعد ذلك

لو حبيت رواية “بضع ساعات في يوم ما” فـ أكيد هتحب رواية “آن ثم لا شئ بعد ذلك”، لأنها تعتبر جزئها الثاني، هتعيش حياة أبطال الرواية بكل مشاكلهم ومشاعرهم، هتضحك وتبكي معهم، الرواية مكتوبة بأسلوب مشوق وبسيط، يشدك من دوشة تفكيرك وبيدخلك في حالة هروب من الواقع بشخصيات حقيقية متفاوتة بين الخير والشر، دوس هنا واقرأها على iRead eBooks 

مسرح النجم الساقط 

الرواية بتتكلم عن مخرج مسرحي قرر يكتب سيناريو مسرحية اسمها “مسرح النجم الساقط” واللي بتدور قصتها عن تجربة النوم الروسية، (في عهد روسيا السوفيتية تم اختبار مجموعة من السجناء السياسيين لغاز تجريبي بيمنعهم من النوم)، ولكن بطل الرواية بيتفاجئ انه تم القبض عليه بتهمة القتل عن عمد بسبب تنفيذ سيناريو المسرحية على أرض الواقع، الرواية مكتوبة بأسلوب شيق ولغة بسيطة، وتقدر تخلصها في وقت قليل. دوس هنا واقرأها على iRead eBooks 

مبني على الكسر 

في رواية مبني على الكسر هتتعلق بشخصية منال وسعاد وحلا وسيف، اللي هياخدوك في رحلة عبر الأجيال، عشان تكتشف أن الازمات النفسية ممكن تتوارث لحد ما يظهر حد يكسر الحلقة دي، أسلوب الكتابة وتسلسل الأحداث سريع ومش ممل، وممكن تخلص الرواية في يوم. دوس هنا واقرأها على iRead eBooks 

لعنة سيدرا

بتدور أحداث الرواية في إطار زمني مستقبلي مابين سنة 2035 و 2050، بطل الرواية اخترع لعبة شبه آلة الزمن وقدر يرجع بيها للماضي عشان يكتشف أسرار غامضة، بتخليه محبوس من اللي رجع ليه وبتتصاعد أحداث الصراع بين الأبطال، أسلوب السرد بسيط وبيتنقل بين الأزمنة بطريقة سلسة. –  دوس هنا واقرأها على iRead eBooks 

لغز آل عزرا

عبد الجواد أفندي محروس في ليلة هادية كان قاعد في مكتبه بروقان بيكتب مذكراته عن قصة الفرعون تيتي، الحاكم اللي سيرته خالدة بسبب صراعاته مع الحارث، وبعدها انتقل لحدوتة شمعون عزرا التاجر اليهودي الغامض اللي سيطر عليه طموحه انه يبقى غني، كمان كتب عن وريث العائلة واللي رسم في مخيلته ملامح التحول الغامض لشخصيته، كأنه بيودع ماضيه عشان يخوض رحلة لمستقبل مجهول، وهنا بتضيع كلمات عبد الجواد أفندي بين الخيال والواقع، وبيتحول الخيال الهادي لمسرح بيفضح أسرار أبطاله، الرواية تعتبر من الأفكار الجديدة في سرد المذكرات الشخصية، وأسلوب السرد فيها هيخليك مشدود جدًا لحد لما توصل لأخر ورقة، بس هل هتعرف تفرق بين الواقع والخيال ولا عبد الجواد أفندي هيضحك عليك؟ –  دوس هنا واقرأها على iRead eBooks 

الأكثر طلبًا من إصدارات 2025 على  iRead Shop 

حلت البركة

شيش شباك موارب وقت الظهر، راديو قديم، صور ليك في مصيف المعمورة، احساسك بطعم الدفا ومعنى البهجة، لما كان فيه مساحة كافية للعيلة تناقش فيه مشاكلها عشان توصل لبر الأمان، الكاتب يسري الفخراني جمعلك أشهر المقالات اللي بتتكلم عن حلاوة جيل السبعينيات والثمانينيات اللي حلت عليهم ثقافة العصر الجديد اللي مش بترحم الحنين ولا الخصوصية، نوستالجيا تواسيك وتحل ببركتها على أيامك. –  دوس هنا واطلبها من iRead Shop 

صالون غريب

يا ترى إيه الغريب في صالون حلاقة فيه كرسي واحد وحلاق واحد وزبون واحد ومفيش فيه مرآة؟، في قصص بعضها متصلة وأخرى منفصلة بتجمع بين الرعب وعوالم الخوارق، أسلوب السرد هيخليك متحمس لحد اخر ورقة.  –  دوس هنا واطلب من iRead Shop 

القيصر

التاريخ الكامل لروسيا بداية من  الفايكينج، وجنكيز خان، ونابليون، إلى الثورة الروسية، وصعود وهبوط الاتحاد السوفيتي، وحلف الناتو، وقصة أخطر رجل في العالم “بوتين” وتفاصيل ومعلومات سياسية وتاريخية مهمة، طريقة السرد باللغة العامية المصرية.  –  دوس هنا واطلب من iRead Shop 

جنة الأصيل

رواية بوليسية تشويقية، بتتكلم عن مقتل بطل الرواية وهو رجل أعمال عراقي نقل حياته وتجارته لمصر بعد ما نجح في دول الخليج، وليه يد في السلطة، أصابع الاتهام على مقتله بتتوجه لعدد من الناس المقربين ليه ومن خلال اعترافاتهم في التحقيقات بتكتشف حقيقته، بس ياترى مين اللي قتله؟، الرواية مكتوبة بلغة سهلة وأحداث سريعة والنهاية مفاجأة.  –  دوس هنا واطلب من iRead Shop 

سقوط أوراق التين

الرواية بتتكلم عن مترجم مصري لاقى مخطوطة نادرة مكتوبة باللغة القبطية، بتحكي عن راهب كان عايش بين القرن السادس والسابع الميلاديين، الرواية بتدور في إطار تشويقي ولكن روحاني وفيها إسقاطات على الحاضر، فيما يتعلق بطوفان الأقصى وبالتبعية لأحداث 7 أكتوبر 2023 ولحد دلوقتي، وهتفهم أكثر عن مفهوم الرهبنة في مصر.  –  دوس هنا واطلب من iRead Shop 

تقدر تقرأ كل الإصدارات اللي ذكرتها وأكثر على iRead eBooks، او تطلبها ورقية من iRead Shop، بتمنالك قراءة ممتعة و متنساش تشير الترشيحات اللي حبيتها.