5 روايات بوليسية صيفية جدًا

تعتبر سلسلة رجل المستحيل لنبيل فاروق من أولى الروايات اللي بدأت اقرأها وأعتقد أنت كمان كده لو كنت من جيل الثمانينات أو التسعينات، فيه مشهد مش بيروح من خيالي مع بداية الصيف، بفتكر دايمًا وأنا في القطر رايحة اسكندرية ومعايا العدد الجديد من سلسلة رجل المستحيل في جيبي، كانت روايات بوليسة مليانة بالحركة والإثارة غير المعاني الكثير والقيم اللي كان بيزرعها فينا أدهم صبري، عشان كده في المقالة دي برشحلك روايات بوليسية جديدة وفريش، مليانة إثارة وتشويق عشان تستمتع بصيف مليان حركة.

الفريسة للكاتب محمد أنور إصدار “2024”  

الرواية بتبدأ بحادثة سرقة في محل “مجوهرات الأسواني” في مصر الجديدة راجل وست مثلوا على صاحب المحل وسرقوا من غير ماحد يشك فيهم ولو للحظة، ولكن بعد ما مشيوا كأن الأرض انشقت وبلعتهم، عشان ننتقل لأحداث جريمة قتل في القاهرة الجديدة واخرى لقاتل متسلسل، ياترى ايه العلاقة اللي بتربط بين كل الاحداث دي؟ اقرأ الرواية كاملة على iRead eBooks من هنا. 

دماء على السجادة الحمراء للكاتبة نهى داود إصدار “2024”

بتبدأ الرواية في حفلة ختام مهرجان سينمائي، بتحصل جريمة قتل لأحد أشهر المنتجين، التحقيقات بتتم مع مجموعة من الأشخاص اللي كانوا مع المنتج أثناء الحفل، وكل واحد فيهم ممكن يكون عنده دافع للقتل ولا يمكن المنتج قتل نفسه في مشهد درامي؟ اقرأ الرواية كاملة على iRead eBooks من هنا.

سفر القتل للكاتب محمود وهبة إصدار “2017”

بتبدأ الرواية مع 2 ضباط أحمد وفؤاد ومعاهم شيخ ودكتور نفسي، بيحققوا في أكثر من جريمة قتل، بيتم تعذيب الضحية وقتلها بطريقة بشعة لدرجة تحسسك ان اللي يعمل كده شيطان مش بنى ادم، بس هل الفريق هيقدر يحل لغز القضايا دي ولا الأمور هتخرج من تحت السيطرة؟ اقرأ الرواية كاملة على iRead eBooks من هنا.

مغامرات المحقق شريف هدهد للكاتب يحيى عبدالقادر إصدار “2019”

بتبدأ الرواية مع شريف هدهد المصاحب بالتوحد لما بيقرأ خبر وفاة كاتب في الجرنال، ولكن هدهد بيشك ويدقق في كل حاجه عشان يكتشف أن الكاتب نادر شوقي مامتش بشكل طبيعي عشان تبدأ الأحداث الفعلية ورحلته في البحث عن القاتل الحقيقي، فهل هيقدر ولا الظروف اللي هيقبلها هيكون ليها رأى تاني؟ اقرأ الرواية كاملة على iRead eBooks من هنا.

جثة كعب داير للكاتب أحمد السعيد مراد إصدار “2022”

بتبدأ الرواية مع الدكتور أحمد يُسري، لسه متخرج جديد وبيشتغل في مستشفى استثمارية “خاصة” بيحاول على قد مايقدر يجمع فلوس من خلال شغله في المستشفى، لحد ما بتيجي حالة طارئة لشخص مجهول، وبسبب خطأ طبي منه الحالة بتموت، عشان يلاقي نفسه مع جثة مجهولة الهوية ومُهدد بالحبس و مُطالب بسداد فلوس الحالة للمستشفى لأن لم يستدل على عائلة المتوفي، بس هل أحمد هيشيل الغشاوة اللي على عنيه عشان يشوف الحقيقة ويحل اللغز ولا مش هيقدر؟ اقرأ الرواية كاملة على iRead eBooks من هنا.

وأخيرًا وليس آخِرًا لو عايز تسترجع ذكريات زمان مع الصيف هتلاقي على iRead eBooks سلسلة الرجل المستحيل كلها، تقدر تقرأها في أي وقت وكل مكان.