5 كتب هتغير حياتك
في لحظة حماسية بتاخد قرار مع نفسك انك تغير حياتك، بتحضر النوتة وتبدأ تكتب فيها الحاجات اللي عايز تغيرها سواء سلوك معين، عادة مزعجة، أو حتى ناس عايز تخرجهم من حياتك، ولكن بعد أقل من 24 ساعة الحماس بيوصل لأقل درجة وتوعد نفسك تاني انك هتبدأ من بكرا تغير كل حاجه، الحقيقة انت مش لوحدك أغلب الناس بيعملوا كده ولكن التغيير عشان يتحقق لازم يكون تدريجي مش حماسي بزيادة، زي قراءة الكتب، بتبدأ بأول صفحة ومع الوقت بتلاقي نفسك خلصت الكتاب وانت مستمتع وسعيد، وفي مقالة النهاردة هنرشحلك 5 كتب يساعدوك في رحلة التغيير، وبنوعدك انهم هيغيروا طريقة تفكيرك للأمور والأشياء وهتفهم البشر بشكل أعمق من خلالهم
محاط بالأوغاد
الكتاب بيتكلم على مفهوم الأشخاص السلبيين أو اللي بيستنزفوا طاقاتك النفسية وبيأثرو على روحك، الكاتب جمعلك الأشخاص دول كلهم تحت اسم “الأوغاد”، عشان يقدملك تعريف شامل يكون دليل ليك عشان تفهم الدوافع النفسية لسلوكهم، مع استراتيجيات عملية لكسر تأثيرهم السلبي وبناء علاقات صحية مليانة بالطاقة الإيجابية.
بعد ما تقرأ الكتاب هتعيد تقييم كل العلاقات اللي في حياتك برؤية نقدية وتبدأ تعرف مين اللي تسمحله يأثر في حياتك ومين لا، هتقدر تحط حدود نفسية صحية لحياتك، وتزود إحساسك بالمسؤولية تجاه صحتك النفسية.
دوس هنا واقرأه على iRead eBooks من غير إنترنت
الهوس الإكتئابي والبارانويا
الكتاب بيتكلم عن اضطرابات المزاج والذهان بأسلوب علمي، من خلاله هتقدر تعرف القوة الداخلية اللي بتخلي عقلك ما بين نوبات الهوس أو الإكتئاب، وازاي ممكن الفكرة تتحول لهواجس جنون زي العظمة أو الاضطهاد “البارانويا.
بعد ما تقرأ الكتاب هتبدأ تفكر بعمق في قدراتك العقلية، وهتفهم أهمية الدعم النفسي والعلاج من نوبات الاكتئاب، وهيغير نظرتك للاضطرابات النفسية وده هيزود تعاطفك تجاه الآخرين.
دوس هنا واقرأه على iRead eBooks من غير إنترنت
مزرعة الحيوان
بالرغم من إن “مزرعة الحيوان” رواية إلا انها بتتكلم عن ثورة الحيوانات ضد المزراع الظالم، فبتبدأ أحداث الرواية بثورة الحيوانات على المزارع، اللي كان بياخد مجهودهم من غير رحمة، وبعد الثورة الخنزير بيبدأ يمسك الحكم ويعتمد النظام الشمولي وده بيخلي الحيوانات تشتغل من غير ما تفكر ولا يعبروا عن أفكارهم زيهم زي العبيد، أورويل بيعبر عن إن الثورات أصلها بيكون نبيل في الأول ولكن الطمع والجهل من قادة الثورة هما اللي بيدمروها”.
بعد ما تقرأ الرواية هتعيد تفكيرك تاني في مفاهيم الثقة في قيادات المجتمع والخضوع الشمولي الجماعي، هتفهم أكتر في السياسة والنقد الذاتي للشعور، هتعلمك ما تديش السلطة في إيد حد غير لو هو مسؤول، هتعرف إن كل كليشيهات الثورات المثالية بتقود للعبودية زي التحرر، وده يخليك تركز وتدقق كويس جدًا في أى خطاب سياسي، ودي أكتر حاجة هتعزز وعيك الإجتماعي والسياسي.
دوس هنا واقرأه على iRead eBooks من غير إنترنت
عقل يحترق
من اسم الكتاب هتعرف إنه بيتكلم عن الوسواس القهري، كتير من الناس عندهم أفكار مخيفة وغريبة حتى في الأوقات اللي بيكونو منتبهين فيها، بيخافوا يعبروا عنها، الكتاب بيستعرض طبيعة الأفكار والاضطراب من خلال تجارب ناس تغلبوا عليه.
بعد ما تقرأ الكتاب هتغر نظرتك تجاه نفسك وهتفهم المصابين بالوسواس، وبدل ما تشوف ان دي حاجة مزعجة أو بتدل على انحراف شخصي أو خطر، هتفهم انه مرض نفسي وليه علاج وتقدر تتغلب عليه وتتحرر من الخوف والوصم الذاتي وتواجه الأفكار السلبية.
دوس هنا واقرأه على iRead eBooks من غير إنترنت
علاقات خطرة
الكتاب بيتكلم على أن العلاقات هي إكسير الحياة “إكسير الحياة هو أسطورة لدواء بيضمن للي يشربه حياة أبدية أو شباب أبدي”، وبيوضحلك إن العلاقات المؤذية هي خطر بيستنزف روحك، الكتاب بيقولك على نواقيس الخطر في كل علاقة، مؤشرات بتقولك إن العلاقة دي مؤذية، ونواميس الشفاء، وهي مؤشرات بتقولك إن العلاقة دي صحية وبتدعمك نفسيًا.
بعد ما تقرأ الكتاب هتعرف هويتك الحقيقة، هتغير نظرتك تجاه الأشخاص المحيطين بيك وازاي بيأثروا عليك، وعيك الذاتي هيتشحن بيخيوط الإلتئام بالأشخاص المهيمن في حياتك وتعزيز صحتك النفسية تبعد عن العلاقات السامة.
واخيرًا، قرار تغيير حياتك ممكن يبدأ بكتاب تقرأ وتحسه بيعبر عنك وبيفهمك مشكلتك، اقرأ دايمًا عشان تفهم نفسك اكتر.
on العلم المرحكتاب ممتع انصح به
on أحلام ممنوعةكتاب جميل جدا
on رفقاء الليلكتاب رائع- on انستا_حياة#كتاب رائع
- on أنت فليبدأ العبثكتاب رائع
